聖誕禮物@2015

老大話買多咗部電話，放番出售唔值錢，要我比部現在用緊嘅iPhone 5S佢交換，賣部舊款好過，價錢又相差不太遠，咁我可有部新的iPhone 6S 128GB電話，當係你聖誕禮物喎，多謝晒呀

實側呢個係藉口，佢見我近日為家居小裝修鎖碎事跟小姐吵架而不開心，又怕我不會貿然接受，故出此番心意

講真，一家人那會有隔夜仇吖，而且氣壞我的並不是你，又何需花錢呢，我亦不會因此而寬恕和解，只是認真劃清界線，該管的管，該做的做

2015聖誕歡聚

今年聖誕節party繼續在大姐家歡聚。往往節慶歡聚，倒是剩下大堆食物，靚太要求每家自備10人份量的食物，豪哥網購咗個多層蒸鍋，晚上煲滾水下一小撮米嚟潮玩勁鮮甜的海鮮塔，嘩.雖然煲燶咗少少，最後粥底吸收晒蒸海鮮嘅精華，好味到不得了呀

當天由中午玩到晚上，甜品係小朋友至愛嘅朱古力火鍋

今年玩現金大抽獎，人人有份，壓軸還有老大慷慨加碼final超級大利，我們大小21人真的是又食又拎超級豐富開心聖誕party呀

多謝大姐提供場地、小可愛幫忙佈置及勞煩她們又要搞清潔

靚太估計冇錯，雖則要求每家自備10人份量的食物，各人都帶備多款美食，有啲都冇影相呀

大姐：响螺花膠湯、炒意粉、火鍋蔬菜，佢還想整碗仔翅，我們叫她不用煮啦

二姐：桑寄生蓮子蛋糖水、韭菜餃、粟米餃、嘉美雞、紅腰豆甜椒炒合桃(是日農曆十五，佢要款齋菜喎)、油魽魚、大海蝦

老大：壓軸final超級大利

B媽：COVA蛋糕 2個-Strawberry &Vanilla Cheese Cake + Dolcefrutto Cake

假姨：陶源酒家鮑魚奇珍盤菜

豪哥：多層海觧鍋及食物…龍蝦、大蜆及蟹

小可愛：Jelly Candy

小馬家：鮮果朱古力火鍋、元朗學利魚旦

我呢：家鄉糯米飯、花膠炆冬菇、紅棗蛋糕、荷蘭撻(在屯門大姐家嘅餅店買架)

十二月份家常便飯

12月1日(星期二) 茄汁雞腿意粉，大佬拎咗燒烤剩餘食物返嚟塞滿雪櫃，唯有暫停罷煮

12月2日(星期三) 粟米芯炒荷蘭豆、滷水雞翼、忌廉白汁意粉
慳家好煮意，餘廚晚餐滷水雞翼+意粉

12月3日(星期四) 沙茶醬炒芥蘭、煎牛扒、蒸龍蝦尾、番茄薯仔唆囉魚湯
慳家好煮意，餘廚晚餐牛扒+急凍龍蝦尾有7隻，今晚清蒸4隻，but啲急凍龍蝦尾好鹹呀

12月6日(星期日) 龍蝦肉炒西蘭花、鹹蛋蒸肉餅、榨菜木耳蒸鮫魚、番茄薯仔紅衫魚湯
慳家好煮意，將啲急凍龍蝦尾先滾湯後拆肉，龍蝦肉嚟炒西蘭花，然後再將龍蝦殼放回湯中繼續煮，真的是物盡其用呀

12月7日(星期一) 日式麵醬雜菜鍋、咖哩薯仔雞翼、果皮蒸泥鯭

12月9日(星期三) 蒜片雙蔬、洋蔥豬扒

12月13日(星期日) 沙茶醬炒芥蘭、芋頭鴨、榨菜木耳蒸鮫魚、番茄薯仔紅衫魚湯
近來唔煲湯，簡單滾個番茄魚湯就算

12月14日(星期一) 蒜片豆苗、粟米肉粒

桑寄生蓮子蛋糖水

12月15日(星期二) 蜜豆炒雞扒、冬菇雲耳蒸雞飯，慳家好煮意，2塊雞扒煮2味

12月16日(星期三) 煎釀三色椒、韓國人參雞湯、芋頭臘腸蝦乾飯

12月17日(星期四) 蒜片福花、燒鴨、蒸龍蝦、清蒸紅鮪
假姨話冬至約我出去食飯，咁我叫佢嚟開餐，有佢喜愛嘅馳名燒鴨，我買咗龍蝦及紅鮪，又煲咗花膠蓮子百合鮮奶，還有海綿芝士蛋糕，簡簡單單好過出去食大餐

12月20日(星期日) 沙茶醬炒芥蘭、冬菇雲耳炆雞、清蒸紅鮪、番茄薯仔紅衫魚湯
個富貴街市重全新形象後，有8檔海鮮競爭下，近來食魚平過食肉呀

12月22日(星期二)：炒年藕、鹹酸菜炒燒肉、清蒸細鱗
今年冬至跟老大一家於星期六在 Simplylife Cafe飽嚐西餐，正日買條魚及食用拜神貢品

椰汁缽仔糕

12月23日(星期三) 排骨粥、鴨胸炒麵

12月28日(星期一) 焗芝士煙肉蟹柳薯仔、黑椒炒意粉
呢個焗芝士煙肉蟹柳薯仔功序多但好味呀

蕃薯芋頭湯丸糖水

12月31日(星期四) 雞雜粥、腐皮肉卷炒麵，去咗2天澳門遊，要煲粥炒麵清腸胃

十一月份家常便飯

11月2日(星期一) 蒜片白菜、榨菜雲耳蒸柳梅、西洋菜羅漢果湯
昨晚打邊爐好豐富呀，大佬負責買料，有琵琶蝦、蟹、鮑魚、蜆、龍躉翅邊、牛頸脊、豬皮、水魷、牛柏葉、凍丸、芝士腸、煙肉、魚皮餃、水餃、雲吞、炸魚皮
我只係負責蔬菜類，買咗3條紅衫魚滾個湯底，加埋啲魚、蝦及蟹，呢個組合超強呀
食哂啲海鮮，結果剩番好多嘢，我呢個星期唔洗買餸呀

11月3日(星期二) 麵醬炒年藕、栗子雞飯

11月4日(星期三) 花膠魚翅雞腳湯
我現在唔會虧待自己，花膠及魚翅有存貨，除時做個豐富孤獨老人餐

11月5日(星期四)：蒜片豆苗、白菜腐皮炆細鱗魚腩、咖哩薯仔雞、淮山玉竹煲石狗公湯
大佬嗰friend又比咗條細鱗魚佢，好大條，劏咗半個鐘分咗3件，今晚抽起個福花，食個魚腩，魚頭留嚟滾湯，魚尾下餐炆咗佢

11月8日(星期日) 蒜片福花、蘿蔔煮細鱗魚尾、栗子炆雞、淮山蘋果海底椰湯
上回大佬拎番嚟條細鱗魚，只係食咗件，要快快清貨

11月10日(星期二) 炒生菜、番茄煮蛋、孜然豬肘骨
懶得開焗爐，用平底鑊煎焗方法煮個豬寸骨

11月11日(星期三) 麵醬煮豆角、白飯魚煎蛋、豉汁蒸排骨

11月16日(星期一) 炒菜芯、蜆肉蒸蛋、豉汁排骨炒三色椒、番茄薯仔紅衫魚湯
成個星期冇煮晚餐，皆因為了家居裝修事宜吵鬧起來，既然各持己見，咁大家各自搵食，晚餐我不管

11月17日(星期二) 花膠魚翅雞腳湯

11月18日(星期三) 大蝦伊麵，摷雪櫃清貨，倉底大蝦幾隻

11月19日(星期四) 白果腐竹雞蛋糖水

11月20日(星期五) 豉油王炒麵、白果粥

11月23日(星期一) 麵醬煮豆角、咖哩薯仔炆雞、白果胡椒豬肚湯
冇煮飯成兩個星期，現在只管簡單晚餐

馬拉糕(低溫發酵)

11月24日(星期二) 麵醬煮豆角、洋蔥豬扒、紹菜煮細鱗魚尾、番茄薯仔細鱗魚頭湯
慳家好煮意，8元3扎豆角分2餐

11月25日(星期三) 三色椒炒魚肉、鹹蛋蒸肉餅

11月26日(星期四) 沙茶醬炒芥蘭、蜜味煎雞、蝦醬肉碎豆腐

11月27日(星期五)： 家好煮意，餘廚煮意粉-黑椒洋蔥豬扒意粉

11月30日(星期一) 炒菜芯、薯仔炆雞、枸杞豬膶湯