電飯煲焗朱古力蛋糕

上回個電飯煲焗番薯蛋糕完成後個電飯煲蓋自動開咗，今回再測試在接近尾聲時企定定目測，結果沒有任何鬼怪情況

材料：低筋麵粉90克、朱古力粉6克、雞蛋3隻、黃糖40克、牛油30克

將黃糖分2-3次加入蛋漿內

並隔溫水用打蛋器攪拌，直至形成挺身及幼滑

低筋麵及朱古力粉混合均勻

將低筋麵粉過篩撒在蛋漿表面

輕輕快速地攪拌均勻

加入已溶化的牛油拌勻

取出內鍋，將一層牛油均勻地塗在內鍋壁上，然後將蛋糕糊倒進內鍋內，將內鍋放回電飯煲主體內及關上上蓋，按「功能」鍵選擇蛋糕功能，按「開關」鍵啟動功能，全程自動波煮食時間約50分鐘，烹調完成時，電飯煲會發出嗶嗶聲，關掉電源，從內鍋倒出蛋糕，冷卻約10分鐘後便可享用

蛋糕表面千瘡百孔及食落口感較乾身，下回可自行減少5-10分鐘烹調時間

電飯煲焗番薯蛋糕

近期大佬三高指數上升，為健康著想飯量下降，而個電飯煲最少要煮2杯米，每躺剩下大半碗飯，啲隔夜飯冇人食儲埋儲埋嚟炒飯自家食，嘗試減少啲米個煲又黏底，十多塊錢一斤的金鳳米浪費不等止，同樣亦浪費能源
雖則家裏已有5個不同size的電飯煲，又有開心大減價，買咗個"特厚釜"快思邏輯電飯煲，多功能可焗蛋糕，快快開光測試效果

材料：低筋麵粉90克、雞蛋3隻、黃糖40克、牛油30克、番薯100克

將黃糖分2-3次加入蛋漿內

並隔溫水用打蛋器攪拌，直至形成挺身及幼滑

將低筋麵粉過篩撒在蛋漿表面

用膠刮刀輕輕快速地攪拌均勻

加入已蒸熟番薯泥拌勻

加入已溶化的牛油拌勻

取出內鍋，將一層牛油均勻地塗在內鍋壁上，然後將蛋糕糊倒進內鍋內，將內鍋放回電飯煲主體內及關上上蓋，按「功能」鍵選擇蛋糕功能，按「開關」鍵啟動功能，全程自動波煮食時間約50分鐘，烹調完成時，電飯煲會發出嗶嗶聲，關掉電源，從內鍋倒出蛋糕，冷卻約10分鐘後便可享用

最近消委會個報告，令到大家對牛油產品心慌慌，今日行超市…大公司澳洲純牛油冇貨、安佳牛油抄到45元，惟有走躺數字屋，現在我多飲這牌子牛奶

呢個牛油都唔錯

個蛋糕好香牛油味

菠蘿蛋糕

昨天人日，做個菠蘿蛋糕慶祝人人生日快樂

材料：菜油80克、黃糖90克、雞蛋3隻、低筋麵粉160克、菠蘿4片、果醬/蜜糖1湯匙(掃菠蘿面)

菜油及黃糖座熱水攪溶，然後逐隻雞蛋加入拌勻

篩入低筋麵粉輕輕拌勻至沒有粉粒

加入菠蘿粒及30克菠蘿水拌勻

倒入模內，將菠蘿片鋪上；放入已預熱180℃的焗爐內，焗40分鐘；取出蛋糕，用果醬/蜜糖掃菠蘿面即成

開咗罐大菠蘿，清理餘下的菠蘿片今回(6-Feb)用牛油，材料稍微改動，上回用菜油蛋糕質感比較細膩，效果當然是用牛油的好

材料：牛油125克、黃糖60克、鹽2克、雞蛋3隻、低筋麵粉130克、忌廉30克(可用忌廉粉)、泡打粉2克、菠蘿4片

首先將已軟化的牛油、黃糖及鹽用電動打蛋器用慢速攪打至呈乳白的鬆軟狀態；然後逐隻雞蛋加入拌勻

將低筋麵粉、泡打粉及忌廉攪拌混和後，加入牛油蛋漿內，用膠刮刀拌勻

倒入已掃油/鋪牛油紙的模內，抹平表面鋪上菠蘿片

放入已預熱180℃的焗爐內，焗30分鐘

十二月份家常便飯

12月1日(星期二) 茄汁雞腿意粉，大佬拎咗燒烤剩餘食物返嚟塞滿雪櫃，唯有暫停罷煮

12月2日(星期三) 粟米芯炒荷蘭豆、滷水雞翼、忌廉白汁意粉
慳家好煮意，餘廚晚餐滷水雞翼+意粉

12月3日(星期四) 沙茶醬炒芥蘭、煎牛扒、蒸龍蝦尾、番茄薯仔唆囉魚湯
慳家好煮意，餘廚晚餐牛扒+急凍龍蝦尾有7隻，今晚清蒸4隻，but啲急凍龍蝦尾好鹹呀

12月6日(星期日) 龍蝦肉炒西蘭花、鹹蛋蒸肉餅、榨菜木耳蒸鮫魚、番茄薯仔紅衫魚湯
慳家好煮意，將啲急凍龍蝦尾先滾湯後拆肉，龍蝦肉嚟炒西蘭花，然後再將龍蝦殼放回湯中繼續煮，真的是物盡其用呀

12月7日(星期一) 日式麵醬雜菜鍋、咖哩薯仔雞翼、果皮蒸泥鯭

12月9日(星期三) 蒜片雙蔬、洋蔥豬扒

12月13日(星期日) 沙茶醬炒芥蘭、芋頭鴨、榨菜木耳蒸鮫魚、番茄薯仔紅衫魚湯
近來唔煲湯，簡單滾個番茄魚湯就算

12月14日(星期一) 蒜片豆苗、粟米肉粒

桑寄生蓮子蛋糖水

12月15日(星期二) 蜜豆炒雞扒、冬菇雲耳蒸雞飯，慳家好煮意，2塊雞扒煮2味

12月16日(星期三) 煎釀三色椒、韓國人參雞湯、芋頭臘腸蝦乾飯

12月17日(星期四) 蒜片福花、燒鴨、蒸龍蝦、清蒸紅鮪
假姨話冬至約我出去食飯，咁我叫佢嚟開餐，有佢喜愛嘅馳名燒鴨，我買咗龍蝦及紅鮪，又煲咗花膠蓮子百合鮮奶，還有海綿芝士蛋糕，簡簡單單好過出去食大餐

12月20日(星期日) 沙茶醬炒芥蘭、冬菇雲耳炆雞、清蒸紅鮪、番茄薯仔紅衫魚湯
個富貴街市重全新形象後，有8檔海鮮競爭下，近來食魚平過食肉呀

12月22日(星期二)：炒年藕、鹹酸菜炒燒肉、清蒸細鱗
今年冬至跟老大一家於星期六在 Simplylife Cafe飽嚐西餐，正日買條魚及食用拜神貢品

椰汁缽仔糕

12月23日(星期三) 排骨粥、鴨胸炒麵

12月28日(星期一) 焗芝士煙肉蟹柳薯仔、黑椒炒意粉
呢個焗芝士煙肉蟹柳薯仔功序多但好味呀

蕃薯芋頭湯丸糖水

12月31日(星期四) 雞雜粥、腐皮肉卷炒麵，去咗2天澳門遊，要煲粥炒麵清腸胃