3月份家常便飯

3月1日(星期二) 麵醬炒年藕、番茄煮蛋、沙茶醬雞翼

3月2日(星期三) 雞脾菇炒翠玉瓜、蘿蔔煮魚鬆、鹹蛋蒸肉餅

3月4日(星期五) 雞雜粥、燒肉炒麵

3月6日(星期日) 沙茶醬炒芥蘭、榨菜木耳蒸柳梅、豉汁蒸黑鯧魚、番茄薯仔肉片湯

3月7日(星期一) 雞脾菇炒翠玉瓜、椰菜木耳炒烏冬

3月11日(星期五) 蝦乾雞肉飯(孤獨1人前)

3月14日(星期一) 酸梅蒸排骨飯、灼芥蘭

3月16日(星期三) 紹菜金菇煮粉絲、土魷蒸肉餅、芋頭魚、鮮淮山粟米栗子煲豬腱

3月18日(星期五) 蝦乾雞脾飯

3月19日(星期六) 番茄腸仔螺絲粉

3月20日(星期日) 清炒西蘭花、冬菇栗子炆雞、羅漢果紅蘿蔔菜乾湯

3月21日(星期一) 老少平安，小姐呢個月節目多多，簡單做個老少平安作自家晚餐

3月22日(星期二) 清炒翠玉瓜、忌廉磨菇意粉
小姐多晚不回家晚飯，今晚整個佢至愛嘅意粉比佢嘆

3月23日(星期三) 清灼福花、火鍋肉片青椒炒太空茄、蒸雙蛋、白菜大眼雞湯
小姐話要減肥，要多菜少肉及啲蔬菜要清蒸或清灼喎，咁整多個清灼福花比佢囉，實質佢已經將減肥計劃升級又升級，佢個人又配合減少食零食，每天抹茶系列食物多蘿蘿，一星期只跑步一次，現在還扭傷咗，咁點減吖

3月24日(星期四) 排骨粥、叉燒炒麵

3月25日(星期五)  雞油菠菜、清灼白菜、煎鴛鴦腐皮、薑蔥豉油爆炒拜神雞、拜神燒肉

3月28日(星期一) 露筍翠玉瓜炒白靈菇、忌廉意粉

3月29日(星期二) 清炒雙色椒、雞油菠菜、燒肉炒飯

3月31日(星期四) 鮮淮山粟米紅蘿蔔煲豬腱、芹菜豬肉餃掛麵
小姐又唔返嚟食，煮個麵及煲個湯自家嘆

3月份麵包

很久沒有做麵包，這個月只做咗兩回用麵包

3月18日(星期五) 提子麵包，用麵包機做咗半份提子方包

3月23日(星期三) 吞拿魚包，爆哂餡料嘅吞拿魚包

鬆糕(酵母低溫發酵)

整咗幾個鬆糕星期日清明祭祖，祭祖用粘米粉代替低筋麵粉及用酵母低溫發酵方法，超鬆軟

亨少生日快樂

亨少生日快樂，祝快高長大、身體健康

這個月第二回生日party，上兩個星期六老大請我們到銅鑼灣Shetler 為他的細孫1歲慶生，老大較西化，這餐廳水準唔錯，嘻嘻哈哈歡度過

陳老二生日快樂

陳老二生日快樂，祝身體健康，多謝你請我們到龍華食飯

二姐怪怪的，她總是不會預約，多的是即慶飯局，假姨又團購咗龍華餐卷，陳老二想去龍華懷舊吓，星期一晚我們跟他慶生，飯後他還說N年前他到龍華好像是旅遊般，現在方便得多

當天下午急趕做咗4個蛋糕還債，實側他們是要脆皮椰汁年糕，這個要即焗即吃才好，用我嘅紅棗蛋糕補上，二姐還說上次她拿脆皮椰汁年糕回家蒸熱吃都很好味，咁即係要追單囉，得啦收到，有拖冇欠啦

紅棗蛋糕材料

椰汁班斑蘭蛋糕

我們8大1小，晚上8點到達，估唔到星期一晚上客人還比上次星期六下午的多，露天嘅也差不多爆滿，團購餐餸菜跟上次嘅一樣，只係煎大蝦改咗日式燒帶子，多叫煎釀豆腐、洋蔥燒骨、騏驎班塊、菜遠炒牛肉及鴿鬆炒飯，嘻嘻哈哈食到9點多上埋豆腐花，食埋蛋糕，剛好，可惜這時剩下2-3枱客，豆腐花好像散沙一樣及凍嘅，扣分

豆腐花像散沙一樣及凍冰冰的

2月份家常便飯

2月2日(星期二) 麵醬煮玉豆、番茄煮蛋、煎雞扒

2月3日(星期三) 麵醬炒年藕、榨菜木耳蒸柳梅、粟米豆腐羹

2月4日(星期四) 紹菜金菇煮粉絲、鹹蛋蒸肉餅

2月11日(星期四) 紹菜粉絲煮紅鮪、燒肉炒飯
昨晚家人來團拜，剩下成煲飯，過年後首次晚餐，買條魚豐富點吧

2月13日(星期六) 蘿蔔胡椒薏米豬手湯
慳家好煮意，開年隻豬手用蘿蔔胡椒煲個湯煮個米線有湯有肉又一餐

2月15日(星期一) 蘿蔔胡椒薏米豬手湯麵(餘廚煮麵)

2月16日(星期二) 娃娃菜蟹柳炒上海年糕、煎蘿蔔糕

2月18日(星期四) 膶腸鹹蛋王蝦乾飯

2月19日(星期五) 三絲炒米線

2月21日(星期日) 清炒西蘭花、烤焗雞、紹菜煮肓鰽、粟米紅蘿蔔豬橫脷湯
隻烤雞出場已被支解

2月24日(星期三) 沙茶醬炒芥蘭、雞肉薯仔餅、雞脾菇炒牛腱
小姐好喜愛薯仔餅，大佬至愛牛肉

2月26日(星期五) 孤獨一人前~四寶蝦籽麵

2月28日(星期日) 紹菜腐皮煮黑倉魚、芋頭炆鴨、青紅蘿蔔粟米豬骨湯