合掌瓜素湯

小姐晚上獨愛湯水，現在差不多每天都備老火湯，近期多煲素湯以豆類代替肉類，連湯帶渣都可盡掃而空，相互協調保養身體，食材同時亦配合四季時令的天時變化
早前煲咗個合掌瓜素菜湯，佢勁like呀

材料：合掌瓜、紅蘿蔔、眉豆、花生、紅腰豆、黃豆、腰果、椰棗

(豆類可自行調配)

4月份家常便飯

困擾多時的牙齒修復工程展開，慶幸個人已排除之前的害怕及驚恐連帶牙患引致的頭痛亦驅除了，衷心多謝陳醫生的悉心醫治，亦緊記時刻保持口腔衛生

4月1日(星期六) 中午女子組相約到珍寶王國嘆茶，飽餐後轉往老家竹戰，我唯獨愛煮，今晚大小共10人，各人都好開心大讚住家飯多好
味噌煮鮮蔬、白飯魚煎蛋、茄汁蝦、清蒸細鱗魚、外賣叉燒,黑椒BB鴨、番茄薯仔紅衫魚湯

4月2日(星期日) 煎釀孖寶炆魚腩、芋頭鴨、蘋果淮山茨實煲海底椰湯
每次有芋頭鴨各人自動波火速埋位吃飯，個煎釀孖寶炆魚腩相機未食呀

4月4日(星期二) 菜芯烏冬、日式肥牛炒烏冬(小姐lunch box)

pancake，今早到小可愛家同佢玩pancake

然後又好滿足整呢個玫瑰花饅頭，食咗3個

回家後整個朱古力咖啡蛋糕，加咗朱古力粉味道提升了很多

4月5日(星期三) 菜芯米線、咖喱三寶蝴蝶粉,烏冬(小姐lunch box)、粟米紅蘿蔔栗子煲烏雞湯
務求火速消滅大佬攞番嚟嘅咖喱三寶特地呈獻咖喱大餐(上集)之湯米線、撈烏冬,蝴蝶粉

4月6日(星期四) 咖喱三寶大餐(完結篇)之咖哩蘿蔔蝴蝶粉、咖喱蘿蔔、味噌白菜豆腐、香草煎焗雞翼

4月7日(星期五) 菜芯刀削麵、芝士丸菜芯刀削麵

4月8日(星期六) 菜芯刀削麵(百吃不厭的素麵)、芝士丸菜芯刀削麵

4月9日(星期日) 芥末魷魚炒西蘭花、咖喱薯仔雞、豉汁蒸黃立鯧、合掌瓜螺片湯

4月10日(星期一) 咖喱雞刀削麵、炒飯

亞麻籽蛋糕，現在每早加1茶匙亞麻籽粉在麥片做早餐，腸胃多好

4月11日(星期二) 菜芯河粉、榨菜雲耳肉餅飯、合掌瓜素菜湯

4月12日(星期三) 洋蔥豬扒、粟米魚肚羹
今天途經家居富貴街市的魚檔，當踏進一刻聽見有人大聲尖叫，原來有米奇mouse檔主大叔話嗰大姐係度v嘩鬼叫我一腳就死咗佢，搵清潔工嚟善後啦…巧噁心耶

4月13日(星期四) 咖喱雞蝴蝶粉、白菜河粉

4月14日(星期五) 白菜魚肉皮蛋粥，今天好想食粥

白果薏米腐竹雞蛋糖水

4月15日(星期六) 白菜河粉

4月17日(星期一) 娃娃菜河粉

4月18日(星期二) 娃娃菜刀削麵、蠔仔飯、芫茜皮蛋鯇魚湯
個蠔仔飯用咗珍珠米效果唔錯

4月19日(星期三) 娃娃菜河粉、蝦醬肉絲飯、合掌瓜螺片湯
跟吓肥媽煮個蝦醬肉絲飯，加2件炸豆腐同蒸good呀

4月20日(星期四) 菜芯伊麵

桑寄生蓮子蛋糖水

4月21日(星期五) 豆腐河粉

4月22日(星期六) 菜芯刀削麵

4月23日(星期日) 炒雜菜、咖喱薯仔雞、清蒸紅鮪、節瓜花生眉豆湯，呢個湯小姐讚好

4月24日(星期一) 薯仔鵝腸麵、雜菜湯、榨菜雲耳肉絲飯
小姐配合減肥運動，現在晚上大多從地鐵站步行2.1公里回家，今晚佢心情靚去咗新貴咩馳名燒爉店買咗50元叉燒還買多50元滷味加餸，條撻沙魚乾大佬話益我喎，多謝晒呀

疏於操練樣子醜醜的牛油卷

4月25日(星期二) 芥蘭鵝腸麵

4月26日(星期三) 芥蘭鵝腸麵、蝦醬豆腐、香草煎焗雞翼、粉葛素赤小豆扁豆素湯

4月27日(星期四) 芥蘭鵝腸麵、魚肉冬瓜羹、鹹蛋肉餅蝦乾飯 

4月29日(星期六) Jonathan要求每個地鐵站都要認識吓，今天又滿足咗佢在香港大學站遊覽，然後順道到瑞士餐廳嘆個tea，我特意燉個肉汁比呢個少爺仔

忘記帶八達通買咗Smiley銷售版比佢，佢勁happy(我都like呢款呀)，回程他還意猶未盡拉著B媽要到堅尼地城

娃娃菜冬菇麵

呢款冬菇麵比較糊口麵質不爽及冇咩味道試個便算

4月30日(星期日) 雞翼娃娃菜冬菇麵、紅莧菜鵝腸麵

近期頭暈暈食番啲紅莧菜補充番啲鐵質，大佬又有滷水雞翼攞番嚟，呢水勁重味精呀

數字屋全場貨品7折購物滿100元全單再享有95折，全店大部分貨物差不多被清空排隊比$又打晒蛇餅，傻更更又湊熱鬧，呢個宣傳策略掂呀

週圍食@珍寶王國

二姐係個超級緊張大師加上囡囡快要臨盆，佢近期失眠致精神不佳話自己唔知有咩病又不想囡囡憂慮，上回清明祭祖她時常掛著口邊訴說失眠的苦況但精神還好，我們只好相約她出來嘆茶放鬆下，今回前後相差一星期見她，二姐行動及說話都緩慢咗精神比上回好一點但老態縱現，問佢身體狀況如何，她的麻雀腳建議及介紹所謂某大集團管理及經營的中醫比佢，中醫話係抑鬱症，我們認為應正視問題所在盡早全面檢查及配合適當的醫療方案，無謂浪費金錢及不應隨便相信道聽途說的慌話，中醫只作調理身體仍作罷

佢真係超級聽話的friends，聽中醫話戒口佢全程只飲水及食咗啲河粉，又話仔囡都話佢緊張勸佢唔好打麻雀，於是B媽即興組局開心下，二姐捥拒不參與話要回家煲最後一劑藥，我們跟她編排嘆完茶後轉往老家竹戰晚飯後早點回家，返家後先煲藥後梳洗然後服藥好好睡覺，看她欣然接受及樣貌歡欣得多，假E話原先安排茶後往香港仔走走，現在三嬴方案…二姐及B媽有麻雀打、勁愛mtr遊的Jonathan又可坐南港島線列車，而最重要係晚上有住家飯食呀

我跟B媽及Jonathan在黃竹坑站下車，出閘後先沿橋底往前走覺得好像有點不妥，於是沿路分別問咗一位小姐話:唔係好識，然後一位哥哥話:往前走是香港仔，最後位姨姨好清楚指示話往前走是香港仔嗰邊坐駁艇比較遠一點，回頭深灣碼頭只要蹺過熟食市場往前行見到冰池行落去碼頭就可以，連聲多謝姨姨熱心講解，地鐵開通後首次重遊，N年都未嚟過之前坐專線小巴，舊地重遊南朗山百感交集在心頭

嚟到碼頭坐駁艇，充滿懷舊look

我們點咗豉汁班腩炒河、干燒伊麵、雞扎、燒賣、沙律香芒卷、酥皮蛋撻、煎堆，食物一般價錢倘算合理。二姐只飲水及食咗少許河粉，你要理智啲均衡飲食才是最重要
茶市大多本土區外及慕名而來的食客嚟懷舊下遊客並不多，要扮皇帝坐龍椅較受小朋友及老外歡迎