12月家常便飯

心情非常沉重的十二月，老四突心肌梗塞走了，從充滿歡欣愉快跌落谷底，所有節目從簡

12月4日(星期一) 豉油王炒麵、栗子粥，B媽又比咗啲靚麵比我還有2個炒麵餅

12月5日(星期二) 栗子炆雞、清蒸鱲魚、番茄薯仔梭羅魚湯
牙患修復工程進入尾聲，重大工程於今天展開，面對歷史遺留下來的問題需要脫掉4隻牙齒，陳醫生手勢好又細心整體沒有痛楚，當天只是自家頭痛及有少許緊張，打完麻醉針後上肢不自覺震顫及頭頂冒汗，回家後傷口冇痛但心口痛楚及疲倦，次天早上冇胃口，下午需要午睡恢復過來

12月6日(星期三) 鹹酸菜炒牛肉、娃娃菜炆龍躉魚腩、木瓜泥鰍魚湯

12月7日(星期四) 清炒椰菜花、番茄豬潤湯、榨菜肉絲煲仔飯

12月8日(星期五) 煎焗奶黃包，中秋做月餅剩下的饀料，簡單做幾個包包

12月10日(星期日) 竹蔗馬蹄合掌瓜湯，煲好湯呢個嗰個又話唔食飯

12月11日(星期一) 蒸三色蛋、甜酸豬扒、豉汁蒸黃立鯧

12月13日(星期三) 栗子炆雞、豉汁蒸黃立鯧

12月14日(星期四) 煎釀豆腐、魚肉煎蛋、清蒸白花魚、榨菜雲耳肉絲

12月21日(星期四) 叉燒炒麵

今回試用電飯煲做家鄉炒糯米飯

12月22日(星期五) 是日冬至，簡單一個番薯湯丸糖水

12月26日(星期二) 沙茶醬炒芥蘭、洋蔥豬扒、清蒸石班、番茄雜菜湯

12月27日(星期三) 雜菜炒龍利魚柳、鹹蛋肉餅飯、粟米豆腐湯

12月28日(星期四) 榨菜粉絲炒節瓜、煎黑椒雞扒、清蒸白花魚、栗子雜豆章魚蓮藕湯

煎焗奶黃包

中秋剩下少許奶黃餡，唔想開焗爐及浪費材料，用麵包機dough功能攪拌及發麵，然後用平底易潔鑊煎焗包包，方便快捷又妥當

材料：高筋麵粉150g、低筋麵粉40g、鹽2g、糖30g、酵母3g、雞蛋40g、鮮奶40ml、暖水30ml、忌廉10ml、牛油20g

將所有材料(牛油後下)放入麵包機按dough功能，攪拌5分鐘後停機(成麵糰即可)，將牛油切粒放入，再開機完成發麵程序
取出麵糰輕壓排氣，平均分成6等份後搓圓，放在平底易潔鑊內蓋上蓋，靜置15分鐘

取出把小麵糰壓成中間厚邊薄的麵皮，包入奶黃餡料

然後摺好

放回平底易潔鑊內

蓋上蓋發酵1小時

發酵完成後開慢火，焗約8分鐘，然後反轉焗約4分鐘即成(全程無需下油)

11月家常便飯

月初天氣乾燥，今年買咗啲新會柑，試吓自家曬果皮期待收成，剩下啲果肉不浪費用嚟搾汁及做果醬，新會柑汁產品系列菜式密密上

11月1日(星期三) 豆角叉燒煎蛋、醬爆牛肉、煎紅衫魚、紫菜魚丸湯
大佬上回話想試吓九棍魚蛋，今晚買咗比佢食

11月2日(星期四) 翠玉瓜炒粒粒、滷水豬脷、榨菜肉絲飯、鮮菌冬蓉羹
係冷宮找到條豬脷，用白滷水炆煮後，然後切片加上麻油芥辣甜醬，大佬飛佛整碟吃光

雲苓白芍扁豆衣煲糖冬瓜

11月5日(星期日) 咖喱四寶(豬皮,蘿蔔,魚蛋,水魷)、蜜味薑蔥炒雞、清蒸石班、蓮藕花生雞腳湯
大佬話68元隻豉油雞抵食喎，佢昨晚又買回來，剩下來今晚煮蜜味薑蔥炒雞各人喜愛

11月7日(星期二) 豉汁排骨豆卜飯、蒸件龍躉肉比自己

夏枯草菊花羅漢果茶

11月8日(星期三) 黑椒雞翼炒鳥冬(小姐lunch box)

11月9日(星期四)  梅菜肉餅,懵仔魚飯、鮮淮山芡實百合蓮子合掌瓜湯

玩咗日曬果皮

11月13日(星期一) 菜芯冬菇麵、蠔仔飯

11月14日(星期二) 鮮淮山芡實百合蓮子合掌瓜湯

11月15日(星期三) 日式金菇肥牛、蒸鮫魚飯、生菜魚肉湯

11月16日(星期四) 榨菜木耳粉絲炒節瓜、中式豬扒(新會柑產品)、蒸鯇魚腩、番茄雜菜湯

11月19日(星期日) 滋味羊腩煲、蜜味薑蔥炒雞、豉汁蒸魚、羅漢果煲西洋菜湯

天氣凍羊腩煲大熱，開過爐大家烚吓烚吓傾吓計，大佬好少食成個鐘頭飯架happy

11月20日(星期一) 雜丸娃娃菜炒銀針粉

芋頭番薯糖水，天氣凍凍地煲咗芋頭番薯配黑糖薑母茶暖下胃

11月21日(星期二) 麵醬煮玉豆、酸辣雞扒、豉汁蒸白花魚扒、芫荽皮蛋豆腐湯

11月22日(星期三) 娃娃菜豆卜燴白花魚、鹹酸菜炒牛肉、生菜魚肉湯

11月23日(星期四) 煎豆腐、橄菜玉豆、薯仔炆雞翼
件豆腐本想煮粟米魚肚羹，小姐又話唔返嚟食，無備料下唯有煎咗件豆腐

11月26日(星期日) 清炒西蘭花、栗子炆雞、清蒸石班、四神白果豬肚湯
呢個星期好有冬天feel，煲番個四神白果豬肚湯滋補吓

11月27日(星期一) 洋蔥火腿芝士焗大磨菇、炒飯，小姐個lunch box好豐富

生熟惹米薑茶，天氣凍加薑片驅風

11月28日(星期二) 白靈菇炒西蘭花、中式豬扒(新會柑產品)、豉汁蒸鯧魚、番茄雜菜湯

11月29日(星期三) 新會柑汁燴鴨胸(新會柑產品)、煎釀鮮菇炆鯧魚、蓮藕素湯
還有1枝新會柑汁存倉繼續努力

11月30日(星期四) 煎釀豆腐,蓮藕、栗子炆雞翼、豉汁蒸盲鰽、粟米魚肚羹
大佬是食肉獸無肉不歡，近期糖尿度數高咗，所以盡量多煮魚比佢中和吓食少啲肉，還好佢戒掉了用餸汁撈飯，大佬今晚又加料，買咗50元叉燒+50元滷味，今晚佢每樣餸菜都有幫襯