日式菠蘿包

6月2日(星期二)：日式菠蘿包

五月份晚餐

5月3日(星期日) 娃娃菜粉絲炆鮫魚、五味醬碌春鴨、蕃茄唆囉魚湯
公仔箱大廚教煮五味醬碌春鴨，試玩吓，果然好味

5月4日(星期一) 麵醬煮豆角、芝士煙肉蛋卷
跟風做吓芝士煙肉蛋卷，小姐話over cooked，下次要juice啲喎

5月5日(星期二) 蒜片炒福建椰菜花、豉汁鳳爪蒸排骨、鹹魚頭白菜豆腐湯

5月6日(星期三) 炒飯、蒜片蜜豆炒雲耳

5月7日(星期四) 榨菜粉絲雲耳炒節瓜、榨菜雲耳蒸肉餅、蒸鹹魚,泥鯭、生菜魚肉湯

5月11日(星期一) 炒菜芯、蠔仔飯

5月12日(星期二) 蒸蛋、洋蔥雞翼、鹹魚頭豆腐菜芯湯

5月13日(星期三) 沙茶醬炒芥蘭、普寧豆醬炆排骨、生菜魚肉湯

5月17日(星期日) 蒜蓉生菜、咖哩薯仔雞翼、蒸鹹魚,泥鯭、合掌瓜粟米紅蘿蔔湯
個智能煲拎咗去維修成個月，熱烈地慶回歸，煲番個合掌瓜湯品嚐吓

5月19日(星期二) 洋蔥雲耳炒三色椒、冬菇雞肉飯

5月20日(星期三) 煎釀節瓜、洋蔥豬扒、芫茜豆腐魚片湯，芫茜滾湯是大佬嘅飛佛

5月21日(星期四) 炒雜菜、鹹魚土魷蒸肉餅、節瓜鹹蛋肉片湯
街市月尾開始進行大裝修，今晚返歸夜了，臨近街市收檔去買餸，買咗斤白菜仔14元，本想蒜蓉炒，回家摷雪櫃見樣樣有啲菜喺度，咁順道消滅咗佢，高檔嘅白菜仔留待明天吧

5月26日(星期二) 蒜容白菜仔、白飯魚煎蛋、蒸鹹泥鯭、淮山玉竹瘦肉石祟魚湯
380元4條游水石祟魚，分半比B媽，慳家嘅我冰鮮咗條留待下回煲豬腱及加多點玉竹，鮮甜美味，大佬拎番嚟啲泥鯭乾只是佢懂欣賞，今晚蒸埋餘下啲存貨

5月27日(星期三) 沙茶醬炒芥蘭、鹹魚土魷蒸肉餅、生菜魚肉湯

5月28日(星期四) 炒菜芯、洋蔥鴨、冬瓜豬膶瘦肉湯

5月29日(星期五) 炒米粉、鹹豬脷粥，小姐話天氣熱，唔好煲咗粥喎

5月31日(星期日) 上湯浸娃娃菜、蒜蓉菠菜、普寧豆醬炆排骨、蒸魚、蘋果粟米紅蘿蔔湯
呢班怪獸，每每煮普寧豆醬炆排骨，排骨必定吃光，啲豆腐吸收咗醬汁都好美味架

鮮奶花膠糖水-保溫杯

近期甚少整啲滋潤湯水，個智能煲容量大，天氣熱又唔想開爐火，於是跟風用個保溫杯嚟焗吓糖水慰勞自己，效果唔錯呀，下回加啲百合及紅棗，食完立即容光煥發呀

還有這個方法慳咗燃料外，可早上預備好，帶回公司為下午茶甜品呀

材料：鮮奶250ml、花膠1塊(預先浸發好)、蓮子隨意，冰糖1小塊、果皮少許

保溫杯先注入1/3熱滾水蓋上杯蓋後，搖晃數下後將熱水倒出，再重新注入350ml熱水後蓋上杯蓋暖杯至少半小時
蓮子清洗後浸半小時，小鍋注入350ml水燒滾，放入蓮子煮10分鐘後，再加入鮮奶、花膠及冰糖煮溶後，將保溫杯內的熱水倒出，放入剛處理好之蓮子鮮奶花膠糖水，蓋上杯蓋後燜熱至少3小時
懶人做法：可預先隔晚浸好蓮子後瀝乾放雪櫃冷藏，隔天早上處理蓮子鮮奶花膠糖水便可