祛濕冬瓜水~今日煲咗未

是日小暑，今日好熱，正好煲冬瓜水消暑呀

我慣常煲好冬瓜水後，先撈起蓮蓬、蓮葉、木棉花後才放冰糖，今回撈撈吓連自己隻手都擺埋落去，好似淥熟咗咁，即時衝去水龍頭下沖水降溫，擦咗寶膚靈，成個鐘都仲赤赤痛，真喺論盡，唔知會唔會起水泡？慘呀

噚晚隻手仲赤赤痛，好擔心唔知會唔會起水泡，今朝即刻睇吓，好在係紅腫咗d，but紅腫嘅地方啲肉熟咗(係實嘅)，而家都有啲痕，隻手指仲"且住且住"，我早晚都擦寶膚靈，希望冇疤痕啦

紅棗蛋糕(海綿鬆軟)

我每次整紅棗水都做會多啲，要來自己日常飲用，剩下來嗰啲做紅棗蛋糕，一物二用
上次剩咗啲紅棗水放咗雪櫃，今日整埋紅棗蛋糕；避免嗰啲碎少嘅渣滓，因為上次用已去核紅棗，要用篩隔啲紅棗蓉，隔咗渣嘅紅棗仲有好多核呀；其實最方便快捷當然用攪拌器啦，但我個攪拌器爛咗。其次最重要嘅喺要用河南棗，喺香甜d嘅及要自己去核

材料分量跟上次不同，因我比較喜歡鬆軟的海綿蛋糕，口感是超Q彈及鬆軟中帶點扎實

材料：雞蛋2隻、黃糖40克、紅棗水50ml、低筋麵粉100克、紅棗蓉30克、橄欖油20克

做法：
1. 先將蛋黃加入黃糖15克及橄欖油拌勻
2. 把已過篩的低筋麵粉與紅棗水分3次交錯混入，用刮刀快速攪拌到看不到粉粒
3. 然後加入紅棗蓉拌勻，即成蛋黃糊
4. 蛋白用電動攪拌器打發，過程中攪打時將黃糖25克分3次加進去，直到蛋白呈現硬性發泡為  止，即成蛋白糊
5. 取1/3的蛋白糊至蛋黃糊裡拌勻
6. 混合好後再倒入餘下的蛋白糊裡，輕輕拌勻
7. 然後倒進蛋糕模裡，入爐前輕輕在枱上敲一敲，把蛋糕裡氣泡敲出
8. 放入已預熱160度的焗爐焗40分鐘；出爐後馬上倒扣在鐵架上放涼

其實160度焗40分鐘已ok，我想金黃多些，最後調高至上火180度多焗5分鐘，搞到嗰面黑咗d

隔咗渣嘅紅棗仲有好多核呀

探索大自然遊學園@2014

昨天約咗我小情人(心愛嘅外甥孫)去機場博覽館探索大自然遊學園2014，玩到7點散場，晚餐在ELEMENTS丼丼屋

安排整豆漿+紅棗蛋糕，因為想偷懶，變咗因加得減險些發生災難
案件1：攪紅棗蓉時，攪拌器底部安裝器嗰黑膠爛咗，做咗一半，未完成嗰啲改用篩隔；今次偷懶用已去核紅棗，嗰啲碎少嘅紅棗核幾乎食蹦牙

底部安裝器個黑膠爛咗

嗰啲碎少嘅紅棗核幾乎食磞牙

案件2：整豆漿時，唔想再搬部豆漿機出嚟，用埋同一款攪拌器，換嗰有隔渣功能嘅攪豆漿，做第1轉ok，到第2轉時，唔知咩原因中間嗰隔渣部份鬆咗(其實喺自己安裝得唔妥當)，啲渣飛哂出嚟，好在我習慣用手按住嗰蓋，否則好似喺噴泉咁噴出嚟，真喺冇眼睇；最後又要拎走嗰隔去攪豆漿，用篩隔渣都隔咗兩次
連續兩次咁黑仔，到煮豆漿時，我都唔咁行開，企定定在爐火前面睇實，驚滾瀉呀。搞到我幾乎遲到，又熱又嬲，都冇心情影相，爛機嘅相就有，此機報銷唔用啦「怕怕」