蘋果粟米紅蘿蔔湯~多d返嚟食飯

大佬佢現在有三高喎，要多菜少肉，佢係怪人一個，早餐喜歡快餐店食物e.g.公仔麵/糯米雞，午餐呢要多汁+肉類嘅快餐，晚餐多數外食，每餐都要肉，唔多食菜，仲有咩嘢都自加鹽(話冇味)，又唔做運動，種種因數，到現在有三高，家陣只係食嘅份量少咗d，點得架，要返多d嚟食飯啦

昨晚d餸菜唔係佢杯茶，佢只like個土魷蒸肉餅

今晚呢佢自備外賣返嚟食，買咗全日式：魚生飯、日式螺肉、八瓜魚仔、帶子裙邊、日式芝麻醬伴沙津菜

原先想煮南乳齋或節瓜，買餸時見個婆仔買咗個福花椰菜10元，話好食，佢話叫亞姐揀個細比我試吓啦，點知亞姐話細個唔夠食，秤咗兩個比我要19.5元，我今晚都係食咗1個

我呢條惡人邨，而家買嘢好多都唔比揀，家下舖租貴吖，定係有quota架，咩原因食菜都咁貴呢，真係好難買餸

今晚用咗智能煲嚟煲個蘋果粟米紅蘿蔔湯

材料：蘋果、粟米、紅蘿蔔、淮山、南北杏、蜜棗、木耳、豬尾骨、果皮

零食篇

昨晚個電腦唔知發生咩事，load相都幾個鍾，篇blog要零晨點幾先出到呀！

今日剿哂小姐嘅零食出嚟報導吓
各親友手信：
上圖-花生糕係小姐去哈爾濱遊學團買嘅，好味喎！百力滋及綠茶草飯來自日本，佢 aunti 送比佢嘅
中圖及下圖-林真香豬肉卷及豬肉條、椰子糖、芒果乾、來自泰國，同樣佢 aunti 送比佢嘅

小姐每次行過數字屋，定必補倉嘅糧餉…買吓買吓…堆積如山

中圖嘅綠茶卷是來自日本，佢aunti送比佢嘅

我買咗旺旺芝士餅及Jack'n Jill Magic芝士餅 (珍珍美奇芝士梳打餅)比佢哈爾濱遊學團，返家後立刻叫我去買Jack'n Jill Magic芝士餅補倉，話好味喎，佢去遊學團都帶埋包旺旺米餅，食剩3包，去紹關遊學團都買d蕃薯乾芒果乾番嚟

TimeOut都有2包

小姐佢仲好有系統咁，分門別類地用環保袋裝住

台灣手信

零食膠箱上層同樣堆積如山

零食膠箱下層同樣爆滿

原先安排存放零食嘅膠箱已爆滿

小姐台灣手信篇

整理吓小姐嘅手信，主要零食多…

還有仲有好多佢auntie送比佢嘅嘢食喺度…等我明天拍個照！
雪櫃仲有2盒雪糕+冰皮月餅，個冰格爆滿啦

通常過了八月十五就剩底喺度冇人吼啦，等我統計一下遲吓匯報