送舊迎新2017

除夕日沒有準備安排節目，中午B媽約飲茶，食吓嘢講講吓相約靚太到她家晚上除夕倒數，靚太話小可愛話整自助餐比我哋食喎，但B媽愛火鍋，飲茶後順道往fusion買料往靚太家歡聚；避免交通擠塞及人多擠迫，我們選擇乘mtr前往，大鄉里首次往何文田station，下車後經過兩層嘅長長escalator沿指示找到出口，地鐵開通後方便得多

小朋友整比我哋食嘅自助餐😋

食完自助餐，小可愛好認真咁DIY pizza；佢都好忙一路煮又包餃子比我哋食

Jonathan咳咳，靚太煲咗無花果雪梨水，小可愛還好有心機整埋甜品比我哋食，佢好用心整嘅心型窩夫，多謝晒；此時Jonathan開始眼瞓扭計，我們要回家，打搞晒靚太

她們一家在天台觀賞除夕煙花

送舊迎新2017

12月份家常便飯

12月出走北海道旅遊，還好避過超級大風雪，出外走走個人精神爽利，今躺個人體力明顯比7月遊韓國疲倦，返回香港後胃口還差一點

12月1日(星期四) 蘿蔔煮魚鬆、梅菜肉餅飯、南瓜雜菜湯

12月2日(星期五) 蘿蔔魚肉叻沙麵

12月8日(星期四) 生菜叻沙麵、榨菜鰵魚,雲耳雞飯、海底椰雪梨湯
大佬星期日在家打邊爐剩下件敏魚叫我今晚食埋佢喎，成個星期冇煮飯，今晚煮咗2杯米，如常我食1碗，小姐帶飯半碗，餘下大佬吃光

12月9日(星期五) 生菜冬菇麵、餃子菜芯鳥冬

12月10日(星期六) 菜芯米粉

12月11日(星期日) 咖哩薯仔雞翼、雪梨海底椰湯

12月12日(星期一) 菜芯米粉、燒肉炒飯

12月13日(星期二) 菜芯米粉、叻沙麵、粟米鬚豬橫脷湯
煲咗湯大佬話唔返嚟食，小姐又唔帶lunch box，自家煮個麵算數

12月14日(星期三) 豆角紅腸煎蛋、洋蔥豬扒、南瓜雜菜湯

12月15日(星期四) 梅菜蒸肉餅飯、合掌瓜湯

12月16日(星期五) 生菜魚肉米粉，菜芯魚肉麵

12月18日(星期日) 菜芯叻沙麵、拜神燒肉,雞、木瓜雪耳湯

12月19日(星期一) 生菜魚肉米粉

12月20日(星期二) 生菜魚肉米粉、燒肉炒飯、南瓜雜菜湯

12月21日(星期三) 生菜魚肉米粉、冬菇雲耳雞飯、粟米魚肚羹
今天冬至，買隻雞煲飯，簡單煮個粟米魚肚羹，飯後食埋湯丸應吓節

 冬節湯丸

12月22日(星期四) 梅菜肉餅臘腸飯、番茄薯仔紅衫魚湯
大佬唔返嚟食，摷啲剩餘物資加條臘腸簡簡單單又開餐

12月26日(星期一) 餃子福花米粉

12月27日(星期二) 燒排骨生菜冬菇麵、日式豚肉、蓮藕素湯
大佬口痕買咗條燒排骨為佢呢幾日食糧，是否需要買成條咁多呢，我只要2件就足夠了
昨天刮大風小姐去咗camp，黃昏拖著疲憊不堪的身驅回家，速梳洗後倒頭大睡個蓮藕湯留待明天給她嘆

12月28日(星期三) 餃子菜芯烏冬、鹹酸菜炒燒肉、豉汁排骨飯

12月29日(星期四) 生菜冬菇麵、雪梨蘋果海底椰湯、鮮蔬炒烏冬

小姐camping後咳得厲害，要求煲止咳湯喎，呢個雪梨蘋果海底椰湯啱晒佢呀

12月30日(星期五) 菜芯瑤柱麵

豆沙包，今年未蒸個包，蒸幾個祝2017蒸蒸日上

聖誕歡聚@2016

今年聖誕節大小共21人在大姐家歡聚，今回比較混亂，他們為免我操勞，叫我不用整理食物，我做指揮安排好各人負責的食物，竟然分批到達，我們13:00先到等呀等15:00才開餐好肚餓呀

小朋友DIY百力滋聖誕樹

食完頭圍玩完DIY，17:00食蛋糕

小朋友整天都玩得好開心

預計19:00晚飯，晚上呀邊個唔知搞邊科，將啲食材一鍋過煮個大雜匯，我家馳名的蜜味薑蔥炒雞變薑蔥蒸焗雞，蒸魚後冇爆油淋老抽?連豉油王蝦碌及清蒸蟹都冇人幫襯，為了避免浪費食材，最後我們要求清灼蔬菜安全點，還好我預先訂咗菠蘿咕嚕肉，否則冇餸食飯呀

anyway，總算是整天不停食食食；多謝大姐準備的意粉、晚上的蔬菜和提供場地及善後清潔工作，二姐準備的金沙骨、豉油王雞翼、桑寄生蓮子蛋茶、晚上的食材雞、魚、蝦、蟹、鮮魷、魚蛋及蠔皇炆冬菇，假E外賣的燒排骨、叉燒、乳鴨、滷味及壽司，靚太負責小朋友的玩意，小馬家hand made的LEGO及Iron man啫喱糖，老大的北海道cheese餅，大佬外賣蛋撻及我訂嘅聖誕蛋糕、菠蘿咕嚕肉及飲品

呀邊個你是否著咗制呀，中午已安排好即棄餐具食用簡單餐點，晚上我們還要拿著即棄餐具用膳?望見墨汁蒸魚(用咗老抽)咩mood都冇晒啦；我已吩咐負責單位將洗切的東西預先處理及包裝好拿過來，我亦連料頭薑蔥蒜也分別洗切及處理好，晚上只是簡單將兩隻煮好的雞用薑蔥加honey爆炒，魚、蟹清蒸，後來有人要求將蝦用豉油皇爆炒，蠔皇炆冬菇只是翻熱就可以，及簡單清灼時蔬，結果…蜜味薑蔥炒雞=薑蔥蒸焗雞，蒜蓉粉絲蒸鮮魷+西蘭花鮮魷，最後連我家傳承菜鮫魚肉煮魚肚=雜錦鍋；這些都是我們家聚經常吃的食物及之前也溝通好；奇怪是為何全部變晒樣?你拿起食材有否詢問我們如何處理?還不接受協助自動波自由發揮。雖則他們為咗準備食材而遲到，但你嘅嚴重錯失，我們亦不敢恭維，食完飯清理吓各自散band，今年連大合照都冇呀

我買嘅100元鮫魚蛋唔知變咩名菜