黃金酵母發糕

今年第一次自家蒸發糕，用嚟重陽祭祖

這個傳統酵母發糕，用酵母代替泡打粉，還有粘米粉及糯米粉，做出來好吃又健康

酵母麵糊材料：中筋麵粉50克、暖水60克、酵母半茶匙
中筋麵粉及酵母拌勻，加入暖水攪拌均勻，放在保鮮盒內，放室溫發酵1小時，備用

主麵糊材料：酵母麵糊全部、中筋麵粉100克、粘米粉70克、糯米粉30克、片糖70克、水150克
先將片糖及水用慢火煮至完全融化，待涼備用
將已過篩的粉類倒入酵母麵糊及片糖水內，慢慢拌勻至無粉粒，放在保鮮盒內，放室溫發酵3小時(發好的麵糊體積澎漲3倍)，麵糊中充滿氣孔
倒入模內，大火蒸25分鐘，將蒸鍋蓋揭開少許(避免發糕回縮)，熄火，待5分鐘開蓋取出

人氣超級甜點~蜜糖磚塊

上個假日，假姨團購了人氣超級甜點…藍草莓香草蜜糖磚塊，相約小可愛及B媽一同朝聖

先點正餐…卥味拼盤、麵線炸蝦、蠔仔粥、肉燥麵，最後我們4大2小吞掉2個麵包雪糕

小可愛呢見到個甜品，先肯放低筷子比待應清枱擺餐具呀

呢個藍草莓香草蜜糖磚塊，賣相吸引，好似一個箱，厚多士成個表層都烤過，到咗中間部分嘅麵包就切粒加蜜糖再烤，食落好香脆，甜甜哋，再配埋雪糕一齊食，又凍又熱，真係幾得意，難怪咁多年青人鍾意

花膠雞腳煲清補涼

中醫認為"心主神明"，意思是人的精神活動由心主管。夏天氣溫升高，容易煩躁不安，易發脾氣，所以，夏天要做好精神養生，自我調節，平抑怒氣、保持心境開朗。此時多心火旺，易心煩氣躁，故食療應着重去心火，解暑熱
宜食：淮山–健脾補肺、蓮子–補脾益腎、薏米–清熱利尿、枸杞子–安神明目、山楂–開胃行氣、綠豆–清心、杏仁–止咳潤肺、羅漢果–清熱潤肺、木耳–補氣潤肺、番茄、蓮藕、雪梨、楊梅、枇杷及黃瓜、冬瓜–解暑利濕、絲瓜–清熱化痰等瓜類

呢個係星期六嘅孤獨老人餐，煲番個超級豐富嘅清補涼湯滋潤吓，飲完滿足呀

材料(1人份量)：花膠2隻(1斤20頭)、淮山、蓮子、百合、茨實、薏米、玉竹、龍眼肉、紅棗各15克、雞腳1對、豬腱200克、果皮

浸發花膠之處理：以室溫水浸雞泡膠3小時。然後倒去水份，清洗乾淨(將一些殘留在表面的污物及血管清除)，此時花膠外層會略軟。煲滾薑蔥水後棄掉薑蔥，放入花膠蓋上煲蓋，離火，原煲焗至水冷卻或過夜，花膠吸收了水份而回復軟化的狀態，倒去水份，清洗乾淨後備用

*浸焗花膠的器具必須清洗乾淨及絕不能有油漬，若盛裝器具有油漬，會影響花膠的浸發及花膠比較瀉身　

*普通1斤20隻的花膠，浸焗程序1次就可以，若厚身及大隻的花膠需要重複浸焗程序多次或以上

*可浸發多些花膠儲存，將處理好的花膠，瀝乾水後按每次食用份量包裝好，儲存冰格內，食用時取出解凍

先將果皮浸軟，淮山、蓮子、百合、茨實、薏米、玉竹洗淨後浸水1小時，雞腳及豬汆水洗淨備用。果皮及豬腱隨凍水放入煲內，水滾後放入已浸泡的淮山、蓮子、百合、茨實、薏米及玉竹大火煲半小時，轉小火煲1小時，然後放入龍眼肉、紅棗、雞腳及已浸發的花膠轉中小火煲1小時

菠蘿蛋糕

玩完月餅後，都冇開焗爐，小姐昨晚唔返嚟食飯，有時間，做個菠蘿蛋糕

這個菠蘿蛋糕，以忌廉代替鮮奶，入口鬆軟，甜度適中，又不會過濕，焗時滿屋焗牛油蛋糕氣味，真係吸引及好味到唔停得口呀

材料：低筋粉110克、牛油110克、雞蛋2隻、菠蘿3片、糖70克、泡打粉2克、忌廉50克

首先將已軟化的牛油及砂糖隔水(60度)座熱攪打至鬆軟

除去熱水盤，再加雞蛋攪勻混合

將低筋粉及泡打粉混和過篩後，分2之加入牛油蛋漿內快手輕輕拌勻至沒有粉粒

 

 然後加忌廉拌勻

 

 倒入模內用橡皮刀抹平後，鋪上菠蘿片

 放入已預熱170度的焗爐內焗35分鐘

中秋月餅@2015

今年第一次自家製月中秋月餅，總結下整咗啲咩月餅，待下年改善。最受歡迎的是酥皮奶皇及班蘭椰香豆蓉冰皮月餅，他們已組織了月餅籌委會，搶先登記預購明天中秋提貨，還催促我趕緊籌備開工呀。多謝各位讚賞，我只是自家小製作，小小心意送比大家，檢討過今年成績，明年盡量滿足大家

第一回：椰香豆蓉冰皮月餅13個、綠茶豆蓉冰皮月餅5個、綠茶番薯豆沙冰皮月餅8個

 

第二回：酥皮奶皇月餅24個 

第三回：陳皮豆沙月餅16個、蛋黃蓮蓉月餅20個

 

第四回：班蘭椰香豆蓉冰皮月餅8個

班蘭椰香豆蓉冰皮-高飛狗12個

椰香芒果南瓜冰皮6個

 

椰香芒果南瓜冰皮-小態維尼8個

 今年亦收到不同品牌嘅月餅

美芯-流沙朱古力月餅 

 奇華-酥皮奶皇月餅

 小姐是個綠茶控，Little Twins Star又是佢至愛，販咗盒返嚟

九月份包餅甜點

九月份玩咗月餅，整個月都是食月餅呀

9月2日(星期三) 亞麻籽綠茶麵包

9月4日(星期五) 草莓千層糕

9月9日(星期三) 香蕉蛋糕

9月11日(星期五) 椰香豆蓉冰皮月餅

綠茶豆蓉冰皮月餅

9月12日(星期六) 酥皮奶皇月餅

9月16日(星期三) 陳皮豆沙月餅、蛋黃蓮蓉月餅

9月17日(星期四) 黃糖馬拉糕(低溫發酵)

9月20日(星期日) 斑蘭椰香豆蓉冰皮月餅、椰香芒果南瓜冰皮月餅

9月21日(星期一) 蓮子百合花膠糖水，用保溫杯焗咗碗花膠糖水滋潤吓

九月份家常便飯

小姐九月份多節目，只煮咗14餐家常便飯

9月1日(星期二)：蒜炒福花、XO醬炒雲耳荷蘭豆、榨菜木耳蒸肉餅、生菜魚肉湯
大佬喜歡用梅頭肉嚟蒸榨菜

9月6日(星期日)：蒜片白菜、麵醬炒蓮藕、酸辣草莓醬雞翼、番茄薯仔紅衫魚湯
為咗消滅樽快到期嘅草莓汁，近來密密用嚟煮餸

9月7日(星期一)：蒸炒福花、麵醬煮豆角、煎豬扒、白菜肉片豆腐湯
大佬肚餓，煮好啲餸急不及待拎咗去開餐，個湯及豬扒冇影相

9月8日(星期二)：清炒韭菜花、麵醬炒年蓮藕、醬油鴨胸、生菜魚肉湯
大佬喜歡啖啖肉，個醬油鴨胸是佢嘅飛佛

9月9日(星期三)：麵醬煮茄子、栗子雞飯，簡單二人前晚餐

9月10日(星期四)：清炒菜芯、蒜片浸莧菜、蝦醬豆卜蒸豬頸肉、芫茜鯇魚片湯

9月14日(星期一)：蝦醬通菜、木瓜大口魚湯、蠔仔飯
打開包大口魚，啲蟲藏匿在眼睛及魚骨內，超恐怖，這隻檢查後是完整的，其餘棄掉了，怕怕，下回用鮮魚嚟煲

9月17日(星期四)：XO醬炒西蘭花、三色椒炒魚肉、酸辣草莓醬雞翼、海鮮冬瓜羹
工序多多的冬瓜羹，今年第一次煮，超美味

9月21日(星期一)：蒜片福花、本菇雞飯

9月22日(星期二)：麵醬炒蓮藕、蒜片白菜、草莓醬豬扒、雞骨草栗米煲豬橫脷湯

9月23日(星期三)：XO醬炒西蘭花、麵醬煮豆角、土魷鹹蛋蒸肉餅、生菜魚肉湯
慳家好煮意，整月餅剩下嘅鹹蛋白，用嚟蒸肉餅

9月24日(星期四)：蒜炒福花、栗子炆排骨、番茄薯仔紅衫魚湯

9月25日(星期五)：蝦醬通菜、豬扒炒麵、豬肚雞雜粥
慳家好煮意，拜神雞啲雞雜要嚟煲粥，大佬要買油條嚟伴粥呀

9月26日(星期六)：紹菜炆紅魚、鹹酸菜炒燒肉、番茄薯仔肉片湯
慳家好煮意，祭祖燒肉用鹹酸菜嚟炒，明天我們到娜亞方舟歡度中秋節呀