澳門蠢豬兵團遊–Day 1

12月29日 (星期二) 密雲

剛在12月29及30兩天拋下煩惱事，去舊迎新，跟靚太同遊澳門。上回澳門遊已是10多年前光景，感覺是賭場多、強國人多、隨處香煙氣味多

賭業經濟發達帶動下，理所當然的是物價指數也除著攀升，物換星移，總是找不到以往的風土人情，隨便食個葡撻要10個大洋呀

我們乘坐12:00航班，到達澳門已13:20，再轉乘酒店接駁車到達氹仔喜來登酒店

我們預算先在酒店吃點東西才check-in，在金沙城中心找食店期間，發覺大堂早已迫滿強國遊客，我們估計需排60個或以上，改變行程，靚太先行check-in

房間外景觀

我們沿著酒店隨處閒遊，那個在金沙城中心三樓的"口福"美食廣場，普通一個煲仔飯也要188元，雖則這裡是新加坡具有相當規模的餐飲連鎖企業管理，我們主要的是要看食物質素，付出5星級價錢得到food court服務，不吃也罷，速閃，卸下行李，打的到官也街

到達官也街已15:00，官也街也擠滿遊客，隨便走入路口的懷舊茶室，即叫是日午餐，點知呢百冇，老友唔好比餐牌我們啦，再看牆上食物照片，指著豬手麵、牛尾飯講咗兩樣又話冇，老友咁有咩食呀?亞姐話剛啱冇喎，咁我們都唔知食咩，快閃

迫出官也街，誤打誤撞又見門口擠滿客人的懷舊茶室，走入去撞下運氣，結果又係冇飯食(靚爸要食飯)，只有麵，亞哥話蛋白撻、葡撻、燕窩撻剛出爐，每樣要一個啦，呢度啲客都是每樣叫一個架，說罷，又帶客人到店後坐位，我們望下週圍，也並不是亞哥所講的那麼樣子，因靚太趕時間跟小可愛去滑草，於是隨便每人一碗麵、豬扒包、葡撻、油占多及金桔蜜作罷，此餐花費212元總好付出在酒店美食廣場上，飽餐後兵分兩路，靚太一家去大潭山公園滑草場，我跟大姐隨便閒遊至晚上18:00在議事亭前地集合晚飯

食飽逛一圈，行行下見到大利來記豬扒包，35元跟大姐share一個包，店員還懂將包切半good

返回官也街，遊人明顯比之前多，氹仔百年老號馳名餅店，排隊買手信是必然的，我也湊熱鬧，花費265元買了一堆，順道問問老闆返回大馬路是否乘坐33號巴士，那個大老闆也很熱心話28A直達比較好，不用在葡京酒店轉車，但班次疏落些及車程多些，於是走回巴士站等28A，等咗3班33號車約10分鐘才有28A乘客也比較少，當車子過咗葡京酒店一直走，我發覺有點不對路，於是走前問司機，這個女司機真好，她說這車不對，還叫我們趕快下車拐個警察局轉3或10號車

28A女巴士司機服務好

於是跟大姐傻傻下又轉車，今躺穩陣些上車前問問司機，他媽的這回個男司機好像大明星般架個黑超還很不願意地點下頭，亞司機大叔我們上車已18:00入黑了，還架黑超幹什麼真的是唔該晒吖，跟大姐分別找好坐位，便全神貫注地留意下車，怎料前面坐位那個亞姐側面大聲嚷道:咩大馬路?道道都是大馬路，還指手劃腳地說呢條又係大馬路，嗰條又係大馬路…於是我跟大姐及全車乘客互相對望，都冇人答佢，咁.這位亞姐是否跟我們講嘢呢?於是大姐話噴水池大三巴，結果，那個亞姐又指手劃腳嚷著說:呢個站又得下個站又得落車右手邊，於是我們真的又唔該晒佢囉，這時下車巴士站為殷皇子大馬路，33號車亦在此站，哈哈.實則因我們在氹仔巴士站已翻閱巴士路線圖，而我多口問咗餅店老闆，佢答28A緊係信啦，而我們在氹仔上車亦冇問司機，發覺不對才問司機，況且之前靚太話大馬路等，我們都意會到咩地方，那個會記澳門的葡國街名吖，真係烏龍百出呀，笑話還有下集…

到咗議事亭前地，又係人多，而我剛換咗電話唔知點解窒窒通connect唔到wifi，靚太whatsapp間葡國餐廳Restaurante ESCADA在新馬路大堂街我又找不到，同佢同失去聯絡，而我呢今躺在馬路大街拎住部電話中的相片及地址問警察大哥，大哥好清楚話到咗議事亭前地噴水池斜路那條就是，找了一遍鳥無人煙，折返議事亭前地再問另一位警察大兄，同樣指著斜路這條街便是，幾經辛苦跟靚太匯合，原來葡國餐廳在馬路大街梯級轉上便是，剛才我也經過，只是冇留意，靚太話佢GSP導航都好難搵，結果葡國餐廳full booking了

蠢豬兵團行行下到麥當勞右轉條街見有食店，轉入去，看見有間細少嘅葡國餐廳都幾好，但冇5人枱要等喎，咁都好吖，等等下38元買杯鮮榨果汁比小可愛，在兩旁行下找食店，小可愛看見斜對面有間食上海嘢嘅餐廳話想食呢間，咁我們都等咗15分鐘，而個葡國餐廳老闆拎咗幾杯紅酒出餐廳外跟友人吹水又擺晒腳架喺度拍video，冇意識做生意，咁我們唯有轉場啦，上海食品店細細間鋪都問有冇電話預約，還好食物水準唔錯

食過晚飯後8點多，街上總是人流不絕，冇必要上大三巴牌坊，於是轉個彎行過隔離街，18元食個胡椒餅後，徒步走往葡京酒店乘車返回氹仔金沙城中心

光影節，到處都是人頭湧湧

金沙城外圍夜景