不一樣的素菜館

年初二到荃灣開年祭祖，順道到齋堂用膳，今回齋堂新人事新作風，散座跟套餐菜選不多，沒有多餘選擇下，只可跟大姐要個二人套餐
講真，這家素菜館未換主持時尚可接受，今回咁嘅價錢及提供的食物，不提也罷！

重點是啲餸菜是凍嘅，包括炸物，每個套餐硬要有個例湯，實質是例水，淡而無味！
還有新的安排是…先購票後安排入座，我們坐下不久，鄰坐己跟我們說個不是味兒…
過後另一對年青情侶同樣怨聲載道…
計有前前後後數之不盡的對這回食物質數的不滿…

我還在上年度素菜館剛換老闆時，都讚賞過，亦對這經營團體有信心
難道現在是某知名的團體經營，他們沒有想出改善空間嗎？

賀年齋

我家近年的年初一，例必由我主廚煮過年齋，今回B媽要求添加炸枝竹/小齋卜，我個人認為此乃傳承菜譜，而佢買咗又要求到，加埋佢啦！我只加小齋卜，炸支竹留待開年飯才用，食譜我亦不添加此材料

材料：流浮山新鮮蠔2斤(洗淨，瀝乾水)、長紹菜1棵(洗淨，切1吋闊)、菠菜2斤(洗淨)、炸粉絲半斤、薑片
調味：大南乳2磚(用匙壓爛，加南乳汁2湯匙拌勻)、冰糖1湯匙、紹酒2湯匙
做法：熱鑊下油，爆炒蠔至微黃，連蠔汁盛起
原鑊加油下薑片、南乳醬汁及冰糖，灒紹酒，慢火爆炒至糖溶後，開中火，加紹菜炒勻後，撥至鑊邊，續加菠菜，開大火爆炒拌勻後，加入已爆炒的蠔連汁，蓋上鑊蓋煮2分鐘，開蓋，這時所有材料已全熟透，熄火，立即加入已炸過的粉絲，拌勻上碟

*家母訓言:新正頭大年初一第一道齋菜，必須原汁原味，切忌汆水及埋茨
*紹菜、菠菜、蠔會出水及炸粉絲會吸收汁料
*我慣常先放半份粉絲落鑊中拌勻吸收汁料後，餘下粉絲放在碟上，續加煮熟材料上面
*最好用本地流浮山新鮮蠔，曾試過日本及美國桶蠔，味道並不一樣
*南乳要買大磚及在醬油舖原缸的 (今回B媽發現筲箕灣金華街口雜貨排檔，有原缸南乳，佢拎咗個大玻璃樽買咗10磚呀)

遲來的新春報喜

成個月冇爬上來，報導吓農曆年的概況，同樣是離不開…食，但是今年流感來得勁，家裡各人同樣相繼病倒，做咗口罩黨！

今天是正月十六，元宵節都過埋，真的是遲來的新春報喜

元宵節湯丸

我今年計劃預早購買年初二開年嘅嘢…本想騰空一丁點兒時間休息，同樣由年廿七玩到年初四，稍回氣，又斷續…食

流水篇(流口水篇就真！)
年廿七買咗海蝦、花竹蝦、雞、年藕、慈菇、長紹菜及生果預備團年，花竹蝦預留開年餸菜用，拜神祭祖後，到老大家火鍋慶團年

海蝦及花竹蝦每樣買咗8隻

宅年用品預購多份給老大

年廿八買定豬手及生果

年廿九買咗魚、生果，避免明天街市又迫又人多，仲要好似搶咁一樣買嘢

年卅呢己跑三回，買咗雞、蠔、芹菜、生菜、菠菜…晚炸粉絲、腰果及浸冬菇

我家的過年齋要炸粉絲

左邊3包腰果比較好，右邊嗰包係B媽買嘅

左邊B媽買嘅出水後，水嘅顏色混濁及易燶

炸咗3磅腰果比咗2樽B媽

年初一，6點起床，炆冬菇，其實預早浸咗一口小冬菇，想起年初一用，晚上速浸回大一點冬菇，要早點起床剪腳及清洗，pack腰果、炸粉絲、炆好的冬菇及洗好的菠菜，在冰箱取回豬手及魚放回儲存格解凍。拎埋3斤蠔、2斤菠菜及炸腰果，11點多到達老大家煮過年齋，我家的可愛大帝，嚷著要腐乳伴飯。飯後回家，先將豬手洗淨及出水，放涼，預備年初二嘅開年祭品

2斤菠菜

3斤蠔

我家的可愛大帝，嚷著要腐乳伴飯

年初二，5點起床煎魚、蒸雞、發菜冬菇蠔豉及蝦，8點多己到達荃灣準備開年祭祖事宜，順道到齋堂用膳，今回齋堂新人事新作風，將另文報導吓，各人初二多節目

年初三高興團拜在大姐家

年初四到老大家煮開年飯