黃金酵母鬆糕

前幾天做咗幾個黃金酵母鬆糕嚟重陽登高祭祖，這是土地公公的糕點，不像一般的發糕用泡打粉發得那麼漂亮(笑口)，笑口的發糕我家通常在農曆年拜祭祖先，用料主要是粘米粉及糯米粉，清明用料同樣是粘米粉及糯米粉，而重陽用料主要是麵粉及木薯粉，口感要有點黏糯，有一點像發糕和饅頭的綜合體

材料：中筋麵粉130克、木薯粉15克、吉士粉1湯匙、酵母1/4茶匙、黃糖50克、水120克

先將黃糖及水用慢火煮至完全溶化，待涼備用
把中筋麵粉、木薯粉及吉士粉混合均勻後過篩，加入酵母

然後逐少拌入黃糖水

慢慢拌勻至沒有粉粒

蓋上保鮮紙室溫靜置1小時至粉漿膨脹至3倍大

倒入模內，大火蒸20分鐘，將蒸鍋蓋側揭少許散熱(避免水氣滴在發糕上面及產生凹陷、皺紋，或者形成水痕)，待5分鐘後取出

 

奇幻刺激萬聖同樂日@廸士尼

小馬媽早在6月份邀請我們10月1日參加同樂會舉辦的奇幻刺激萬聖同樂日，還要多謝二姐付款購買入場卷

當天清晨時段紅雨黃雨齊下，幸好我們大小共21人4點到達樂園天空放晴陽光普照

到達樂園，指定動作在拍照景點影大合照。隨後找最佳位置在美國小鎮大街觀賞米奇Helloween大街騷，在人群互相擠擁下，老大發現可疑男子在我背後盯著我的背包，他大聲呼叫我小心點，那可惡的人見事販即轉身走了。當巡遊隊伍差不多到達，老大的小孫兒剛睡醒也在baby car出來湊熱鬧

然後順道乘坐觀光火車前往幻想世界火車站，小朋友下車當然被Dumbo小飛象旋轉世界給引著，我們大小朋友玩過痛快。我跟老大一家在Small World Ice Cream匯合小孫，我們在此小休，小朋友趕快吃著美味的雪糕窩夫，剛巧包場時間開始玩三個主題園區，小朋友立即嚷著前往反斗奇兵大本營

到達反斗奇兵大本營，兵分兩路，大膽敢死隊玩玩具兵團降落傘，另一組玩轉轉彈弓狗，而RC Racter無人問津佢哋話驚頭暈喎，而年紀只有19個月的Julian跟爺爺在Andy's Toy Box挑選玩具，在呢樹玩咗兩個遊樂設施已差不多7點

本應相約7點食晚餐後看煙花表演，理應在Andy's Toy Box走回美國小鎮大街較近些，因包場關係要順著迷離莊園及灰態山谷走過去，當繞過迷離莊園在灰態山谷遇見小姐剛玩完灰態山極速礦車，大膽敢死隊吱吱喳喳話要玩，小朋友未玩夠又唔食飯，有得玩點會掛著食飯吖，拐了一大圈走回美國小鎮大街，距離煙花匯演開場時間還有20分鐘，沿路已聚集人潮往睡公主城堡，帶住小孩又有baby car迫不過去幻想世界匯合大隊晚餐

結果要勞煩靚太買餐點及二姐在Royal Banquet Hall待我們看完煙花後等我哋吖

8點多到咗開餐時間，有嘢食小朋友緊係食啦

食飽飽走出餐廳看見灰姑娘旋轉木馬，小朋友又嚷著要玩，唔睇巡遊表演，於是又分組:小朋友玩旋轉木馬，我跟B媽及假E急步往睇廸士尼惡人大出巡表演，看罷走回幻想世界再匯合

剛好小朋友玩完，見冇咩人排隊我哋大唔透又玩咗轉，因包場關係各項遊樂設施都冇之前咁多人排隊，接著又跟假E在Winnie the Pooh歷險之旅體驗吓

 

距離關場時間還有45分鐘，即往明日世界匯合，看見星戰極速穿梭輪候時間只需5分鐘，不由分說便跟假E走進入內，其實我們都唔知係咩嚟，等候其間轉過身問吓後面兩個小學雞:呢個咩嚟?驚唔驚架?他們異口同聲話:我哎都未哎過，冇咩好驚，我哋都玩咗兩次啦。又看見前面一群6人玩自拍又好開心咁，以為冇咩嘢，咁我哋咪又跟住玩囉，剛才後面兩個小學雞還跟我們say hello，點知我哋玩完自拍都未及收好我嘅手機，偵察機已經開動，開始時還可接受及張開眼睛週圍望吓，因我們坐在最後排，之後嘅高速旋轉，真的是受不了，心跳加速又恐怕個人飛咗出去冇晒反應，我只好閉上眼睛祈待快點完結，落車時隻手麻痺及腳仔軟呀，陸續下車有2位男仕話:嘩.有2吓好有feel，玩完定過神後，假E傻笑話要去toilet，我問她:你有冇留意我到最後已經冇晒反應，你有冇睇吓我係唔係死咗呀。實則我現時只得42kg，剛才嘅轉轉彈弓狗的瘋狂旋轉我在坐位都飄移咗，而在Hyperspace Mountain內，一則我害怕chok親條頸及自己會否飛咗出去…驚驚

玩完咁驚險的遊戲，都唔理咁多，週圍去搵嘢玩，剛巧小尊從巴斯光年開心地跑出來叫著:我已經打晒啲壞人啦，咁嘅情況應該唔會差得去邊，又傻傻吓走入去玩，假E都驚驚地話:吓咩嚟架?小尊利害已經玩咗3次滿足晒佢，又幾好玩。把握時間玩埋Orbitron，完美結束今躺奇幻刺激的廸士尼之旅

9月份家常便飯

近期，大佬時常拎啲滷水雞翼翻嚟，呢期真係餐餐食雞…又係雞…全部都係雞

9月1日(星期四) 冬菇雲耳雞飯、粟米紅蘿蔔海底椰湯

9月2日(星期五) 涼瓜炒蛋

9月4日 (星期日) 鹹蝦膏肉碎豆腐、四神排豬肚骨湯
大佬又有滷水雞翼拎番嚟，今晚煮個蝦膏豆腐肉碎比佢拌飯

9月5日(星期一) 日式金菇豚肉飯

9月6日(星期二) 鹹魚肉餅飯、番茄雜菜湯

早餐-芝士Parma Ham多士

9月7日(星期三) 瑤柱蝦乾雞飯、節瓜鱲魚湯
為求促銷做月餅剩下的鹹蛋白，近來飯菜無論醃肉或滾湯都有佢出現

9月8日(星期四) 梅菜肉餅飯、番茄薯仔魚頭湯

9月9日(星期五) 鮮奶燉蛋白

 9月11日(星期日) 叉雞飯

9月13日(星期二) 節瓜馬頭魚湯、咖哩三寶、滷水雞翼

 

 9月18日(星期日) 鹹蛋肉餅飯

9月19日(星期一) 黑椒牛仔骨意粉、勝瓜馬頭魚湯

9月20日(星期二) 雙魷蒸肉餅、沙參玉竹海螺湯

9月21日(星期三) 榨菜雲耳肉絲飯、番茄雜菜湯

9月22日(星期四) 梅菜蒸肉餅飯、海鮮冬蓉羹(今年第一鍋功夫多多嘅冬茸羹)
今晚預備煮洋蔥豬扒，小姐無定向話明天嘅lunch box安排，在無所適從下，食咗幾日肉餅

9月25日(星期日) 洋蔥豬扒、粉葛赤小豆湯

9月26日(星期一) 黑椒牛仔骨意粉、節瓜肉片湯

9月27日(星期二) 海參冬菇雞肉飯、番茄薯仔梭囉魚湯

9月28日(星期三) 沙薑雞脾飯、蝦醬肉碎豆腐、生菜魚肉湯
今晚啲餸菜啱晒大佬嘅口味呀

9月29日(星期四) 蟹柳蒸蛋、拜神燒腩骨、合掌瓜紅蘿蔔粟米湯

9月1-11日~1人前精選
1/9 節瓜烏冬、2/9 西蘭花螺絲粉、3/9 餃子西蘭花冬菇麵
4/9 雞翼菜芯冬菇麵、5/9雞翼娃娃菜麵、6/9 鮑汁雞翼菜芯撈麵
7/9 雞翼翠玉瓜螺絲粉、9/9 涼瓜冬菇麵晚餐、11/9 拜神雞娃娃菜冬菇麵

9月14-27日~1人前精選
14/9 栗米芝士燴螺絲粉午餐、翠玉瓜螺絲粉
16/9 涼瓜燒肉鮑魚麵、娃娃菜瑤柱麵、19/9 燒肉西蘭花烏冬、21/9 西蘭花瑤柱麵
22/9 菜芯瑤柱麵、23/9菜芯瑤柱麵、25/9 福花瑤柱麵、27/9 節瓜湯瑤柱麵