團購餐@瑞士咖啡室

假E話好耐未嚟西環唔知家吓變成點，於是佢又團購咗瑞士咖啡室嘅餐卷，順道入去懷舊吓，同佢嘆飽後，我倆又傻痴痴慢步至中環

適逄星期六加上大多都是手拿團購卷用餐，餐廳流轉量極快又要搭枱，還好在下單前速走位至剛埋單的對坐雙人枱，這枱剩下大半碟炒公子麵相信是不對胃吧
當研究完餐牌下單時問句侍應哥哥豉汁班腩炒河及廈門炒米那個比較好?佢回應我們要麵還是河?因我們先講豉汁班腩炒河而這個hea住做嘅大哥又快速下單又接著問飲咩…算吧乾脆豉汁班腩炒河，假E想試餐牌推介話識飲緊係飲茶走，追問多句是否跟餐是無需加$亞大哥話yes…巧淘氣喔

點餐後先嚟付款單後九秘九就嚟餐飲，假E話茶走…甜囉，而我個人獨愛奶茶及不需要跟糖，講真識飲緊係飲原味奶茶啦，隨個人喜好加糖調味就真
不足5分鐘再嚟這個差不多每枱必點嘅瑞士雞翼，普通一個加上冠冕堂皇的豉油雞翼，這個餐廳名物嚟到上枱唔夠熱

嘆完雞翼個豉汁班腩炒河的河粉還熱，廚師炒功很好不油但個主菜班腩唔靚，雖則冰鮮貨但肉質偏淋

最後再追加個馳名咖央西多士，同樣又係剛才嘅大哥下單佢話你兩位姐姐真係好食得又加餐…巧風趣喔。西多用2塊軟綿的麵包夾著咖央，嚟到好香蛋味，咖央份量略少，相機食完及切好後嚐了一口，我問假E這個是否要齋食冇糖漿或煉奶架，又舉手叫大哥嚟問吓，佢隨手放下原枝韓國糖漿嚟

總結以團購價是相當超值，老闆賺咗名氣同時亦需要用心留意產品質數