團購餐@夏麵館

今回到夏麵館食團購餐，平時好小嚟呢樹，大鄉里出城山長水遠去到鑽石山，網上睇到呢間食上海菜幾多正評就嚟試下，這裡當晚非常人多，剛巧有隊我唔識嘅韓國歌星表演，班fans依嘩鬼叫搞到我要繞場一週先搵到間餐館，環境尚可，內裡非常擠迫和嘈雜，我們坐卡位還很清楚聽到前面個大叔在高談闊論，不過菜式多樣選擇眾多，這一點可算是一個優點

自選涼菜五小碟，選了涼拌小木耳、四喜烤、雞絲粉皮、糖醋小排、虎皮素鵝，味道很好，個人喜歡糖醋小排

燻魚，假E至愛，較多骨我怕骨

鮮肉小籠包

鍋貼，唔夠熱個皮好硬，雪菜肉絲炒年糕

沙窩雲吞雞，菜肉雲吞幾大粒，但個皮較厚，湯底冇味

棗泥拉糕，賣相好差睇見都唔想食，唔算太甜

高力豆沙，唔係好熱

排骨麵，很有趣盛麵的碗很巨型；酸梅湯，超市飲品一般貨式，整體啲嘢唔夠熱，感覺啲大路貨是預先做好，呢餐700元雖則是團購餐，但加一茶水要cash略感價錢貴

新會陳皮

月初天氣乾爽，踏入曬陳皮季節，220元有1整箱「權」字的新會柑，另附60元有姐姐代剥果皮，有大量新鮮柑肉淪為垃圾被丟棄在油麻地果欄街頭，甚至有生果檔寫上「益街坊」、「免費自取」，真真正正的「有柑執」
全城熱曬陳皮，各家各戶也忙著曬陳皮，處處都見到有人吊起一串串柑皮，我亦襯熱鬧買咗10多磅玩下

經驗和傳統十分重要，必須考證，中醫師提醒，橙黃色已熟的新會柑曬出來才是真正的陳皮，曬錯綠色青皮柑，破氣疏肝，力猛，久服易傷，青皮曬10年也不會變陳皮，行氣會變破氣，陳皮行氣健脾，平和，不易傷身
秋末初冬果實成熟時採收果皮是最好的，不辭勞苦自家買回來一手一腳天然生曬，自然陳化的陳皮較為安心，最少三年成陳皮才可使用
20元5磅，呢樹68個有10多磅，我比較怕農藥和剎蟲劑，所以用久一點時間來洗刷，買回來後整隻果用鹽水浸2小時，再用清水浸1小時，用牙刷輕輕洗刷表面(1分鐘內完成便可)，然後用濕毛巾抹乾淨

每個柑從尾用界刀割開3瓣，落刀不要太深，不要讓肉汁沾到果皮(若柑汁沾上果皮，曬乾後柑皮會出現黑色一片「燒濃」)，再用茶匙挖出果皮，新手嘅我個多鐘玩完

果皮放在當風處吹乾3小時才反轉柑皮

反覆曬乾1-2週

入罐，以便日後陳放，待天氣乾燥時再曬

物盡其用剩下的果肉，搾汁及做果醬

有3枝柑汁，用嚟煮餸…中式豬扒、酸辣雞扒、炆雞翼

因柑比較寒涼，我在柑汁中加入蜂蜜生薑茶，務求快快清倉

滋味羊腩煲

前天大佬又買料打邊爐，佢好失望話天氣轉涼好多人買羊腩煲秒速售罄，當晚適逢齋期我只吃菇菌及菜，近日網上滿載羊腩煲食譜，昨天整番個滋味羊腩煲

材料：羊腩2磅、冬菇8隻、竹蔗1條、馬蹄8粒、薑5片
調味醬料：南乳1磚、柱候醬1湯匙、腐乳2磚、冰糖1湯匙
配料、枝竹、生菜
腐乳醬汁：腐乳2磚、沙糖1茶匙、檸檬葉絲1茶匙、紹興酒1茶匙拌勻

羊腩汆水

洗淨備用

熱鑊下油爆香羊腩爆及薑片

灒酒

收慢火，羊腩撥鑊邊，下油爆香南乳、柱候醬、腐乳

爆香調味醬料後炒勻羊腩

加竹蔗及冰糖

唔記得先爆香芫荽頭後加調味醬料炒勻

灒酒炒勻所有材料

加熱水剛過羊腩面，煮滾後收中慢火炆半小時；熄火，焗1小時

然後再開火，煮滾後轉中慢火炆半小時；熄火，焗1小時

將羊腩轉火鍋/砂煲加枝竹煮滾，伴配料及腐乳醬汁上桌即成

雲苓白术扁豆衣茶

天氣雖漸涼但個人濕重，條脷總是厚厚及多脷胎，煲個雲苓白术扁豆衣茶，祛下身體入面嘅濕氣，這款祛濕補肝水，性質平和，寒熱底都可飲用，飲完後會排濕，所以比較多小便

雲苓：利水祛濕、健脾、寧心安神
白术：補肺益氣、健脾化濕
扁豆衣：清暑熱、健脾胃
白芍：養肝陰、調肝氣、平肝陽
抱心茯神：寧心安神

注意地方：
傷風感昌冒忌飲
有蠶豆症可不下扁弄衣
大便較乾硬者代表燥熱，勿飲。避免因身體津液不足，令身體更乾、更燥

材料：雲苓、白术、扁豆衣、白芍、抱心茯神

材料沖洗乾淨後，隔去水份，所有材料隨凍水下鍋，大火滾起後煲10分鐘，轉小火煲1小時，熄火焗30分鐘，再開大火滾起後加糖冬瓜/冰糖提味

Frances Yip@香港中樂團

謝謝靚太請我們欣賞Frances Yip@香港中樂團演唱會

靚太在不足兩星期的時間集合我們，我們女子組很久亦沒有聚會在一起，這天給我們最珍貴的美好回憶，同時我們亦好欣賞Frances Yip的歌聲，希望她多些回港演出

二姐受抑鬱症困擾依賴藥物幫助控制病情，這幾次見她精神還可以，可能受藥物影響個人明顯比較依賴不敢獨自離群，中秋見她心情很好，但廚藝退步咗，重陽見她可能要早起總是心慌慌似的，祭祖後叫她飲茶她也不去因害怕獨自一人回家，今回必須結伴同往，演唱會過後跟她晚餐，後段見她倆略有疲憊，她老伴還時刻跟她噓寒問暖，明顯二姐自理不及以前，老伴現在多加照顧今回他亦老態蹤現，二姐現在亦沒有個人娛樂，每天牽掛著兒孫溫飽，老總是說花了很多money在醫治這個病情，為何不接受我建議check吓是否腦退化?及早診斷醫治才為最重要

10月份家常便飯

10月後期漸轉深秋，天氣非常乾燥又大風，秋高氣爽，鼻子不爽，鼻敏感反覆發作，敏感丸接著吃也控制不住，給力給力快快增強體力

10月1日(星期日) 古法馬拉糕，月餅料剩下的淡奶用嚟整馬拉糕

10月2日(星期一) 雞油炒福花、咖喱薯仔雞翼、豉汁蒸黃立鯧、蘋果雪耳海底椰湯

10月9日(星期一) 西蘭花河粉、梅菜肉餅蝦乾飯、淮山茨實蓮子百合海螺湯
家陣懂賺錢啲阿哥阿姐亦懂得享受，小姐話work hard play hard每年定下目標外遊，今個月又好似返鄉下咁遊走去日本，呢幾天獨自一人前對自己好一點煲個鮮海螺湯飲吓

10月10日(星期二) 食湯麵食到厭倦，轉吓口味做個西蘭花蠔油撈麵嘆吓

10月11日(星期三) 鮮菇菠菜炒上海年糕、銀雪魚蝦乾飯

10月12日(星期四) 翠玉瓜炒粒粒、榨菜肉絲飯
小姐旅遊歸來，今晚餸菜全是佢嘅至愛，隻雞腿是我獨享

夏枯草羅漢果菊花茶

10月14日(星期六) 咖喱蘿蔔魚蛋河粉，大佬又贈送咖喱三寶

10月15日(星期日) 節瓜榨菜木耳炒粉絲、鹹酸菜炒燒肉、紹菜蟹柳魚肉卷、豉汁蒸盲鰽、鮮淮山合掌瓜螺片湯

小姐剛旅遊回來又要到專科脫智慧齒要縫針，佢話呢隻昂貴的智慧齒可以去多次旅遊好肉赤喎

10月16日(星期一) 雞髀菇豆乾雲耳炒翠玉瓜、煎黑椒鴨胸、冬菜蒸撻沙、番茄雜菜湯

10月17日(星期二) 粟米雲耳炒青瓜、洋蔥雞扒、冬菜蒸撻沙、枸杞豬潤湯
我跟大佬都喜愛食魚，昨天買咗撻沙分兩餐食

10月18日(星期三) 日式娃娃菜豆腐鍋、炒銀針粉
近期多煮小姐至愛嘅餸菜，今晚又係佢既飛彿

10月20日(星期五) 冬菇蠔油撈麵
整理糧倉摷到包冬菇已開始發潮要立即處理，是日初一有大大隻的冬菇拌麵perfect

小姐煮麵香噴噴，給引我食麻油公仔麵

10月21日(星期六) 黃金酥母鬆糕

10月22日(星期日) 蠔油炆冬菇、拜神燒肉,燒鴨、榨菜木耳蒸油柑魚
這條油柑魚抵食40大洋可食多餐，家人至愛

10月23日(星期一) 豚肉金菇卷炒烏冬

10月24日(星期二) 煎粟米墨魚餅、雲耳炒青瓜、鹹酸菜炒燒肉、榨菜木耳蒸油柑魚、番茄雜菜湯

10月25日(星期三) 紹菜炒年糕、番茄豆腐梭囉魚湯…很美味的滾魚湯

10月26日(星期四) 清炒福花、冬菇枝竹炆雞、榨菜木耳蒸油柑魚、粟米魚肚羹

10月29日(星期日) 鮮蔬翠玉瓜、白玉菇魚肉紹菜卷、芋頭炆鴨、清蒸龍躉翅邊、西洋菜羅漢果南北杏湯
合時鬼佬菜上市，超讚的湯出場家中各人連湯帶渣極速秒剎搶先吃光
天氣轉涼，昨天大佬買咗羊腩煲又加料買龍躉翅邊、牛頸脊、炸魚皮、雲吞、水餃、雜丸、蜆、生菜及鮮雜菇，呢個包有剩去買餸買咗返嚟又全部清洗，啲鮮雜菇洗咗唔可以存放得耐，用咗部份包紹菜卷還剩下堆秀珍菇，唯有加2隻翠玉瓜炒埋佢，小姐話今晚好豐富喎，我話多謝阿包有剩供應餘廚啦

10月30日(星期一) 餘廚延續篇:湯河粉、炒飯、番茄雜菜湯，加料幾隻雞翼比小姐lunch box

10月31日(星期三) 煎釀豆腐三色椒、番茄紅衫魚、淮山芡實生熟薏米豬橫脷湯