清補涼煲海螺湯

對自己好一點，煲個靚湯滋潤下

材料：海螺、豬腱、雞腳、淮山、蓮子、百合、玉竹、圓肉、杞子、果皮

螺頭解凍、汆水後除去硬片，清洗乾淨備用；豬腱、雞腳汆水，洗淨備用；果皮浸軟刮囊，備用；其餘材料洗淨；所有材料隨滾水下鍋(杞子後下)，大火煲半小時，轉小火煲2小時；最後加杞子煲多半小時

香脆三色年糕卷

過年收到啲年糕用平底鑊加雞蛋煎是傳統做法，現時市面買的年糕務求銷量，翻煎/蒸時比較容易黏著，不及傳統自家製的年糕比較結實
將年糕切條，加入芋頭及番薯用春卷皮包好，懶人做法…避免開油鑊，用焗爐(可用光波爐/空氣炸鍋)焗20分鐘，香脆好味，食到唔停得口，又可親子活動，用來招呼拜年的親友好睇又好食

材料：番薯、芋頭、年糕、春卷皮

將番薯、芋頭切條後蒸20分鐘，春卷皮開4份(可用酥皮，酥皮面要掃蛋漿)，分別放上芋頭、年糕及番薯

包好後，放入已預熱200℃的焗爐

焗約20分鐘(可炸，但我怕開油鑊)

我之前只用番薯切片夾著年糕比較大件，還是將材料切條包成一小口比較方便，當然加入芋頭是超級美味

浸發冬菇分享篇

今年冇咩辦年貨，過年後見到冬菇big sale，入咗貨，成日買咗啲冬菇珍而重之咁放入密實防潮箱，久而久之會被遺忘，避免被回南潮濕天氣使其發霉，將浸發好的冬菇存放冰格，煮用時解凍便可，分享下浸發冬菇的流程，超級快捷方便

將先冬菇沖一沖水，除去沙塵雜質，隔去水後，再用清水浸20分鐘(若用熱水浸發冬菇的話，冬菇的霉氣味(唔好嘅味道)會困住喺度，揮之不去)

然後倒去浸冬菇水，加入生粉用手抓洗(抓摔過程中可順道清除冬菇的霉味)

過清水2次，繼續加水抓洗乾淨，先用手抓洗，然後逐隻內外摔開，順道清除附著的生粉和穢物及檢查清楚是否清洗乾淨(此步驟可重複多一次)直至浸冬菇水清澈乾淨

沖洗乾淨後加水浸過冬菇面(清洗完啲冬菇又白又滑)

浸過夜(啲冬菇發大厚咗)

將冬菇除去冬菇蒂(唔好浪費啲冬菇蒂，我會留起嚟做上湯/切碎拌蒸肉餅)

將冬菇連同浸冬菇的水放入煲內，加冰糖

待滾後，用慢火炆20分鐘，熄火焗至放涼

隔去水份，今回浸咗38隻，10隻一袋包好，然後存放冰格備用(記得保留冬菇水，呢啲係鮮味的源頭，用來做碗仔翅、炆餸，有冬菇水雞粉都唔洗落)

竹蔗蘋果魚腥草茶

魚腥草性味辛寒，具有清熱解毒、消腫排膿、利尿通淋等功效，可用於治療肺膿潰瘍、肺熱咳嗽、熱痢熱淋、對夏季常見的皮膚癰腫瘡毒、細菌性痢疾，抗菌、抗病毒作用明顯，有很好增強免疫力的預防作用；對於血清的備解素合成具有很好的效果，對傳染性疾病有不錯的治療效果；魚腥草本身對輻射有很強的抵禦能力，因此經常接觸輻射的人，像空勤人員、放射科人員等都可以用魚腥草泡水喝
由於魚腥草本身屬微寒，故虛寒體質、孕婦、中老年、身體較弱者以及無紅腫熱痛的陰寒癰腫瘡毒者不宜食用，如果過度食用魚腥草，按中醫養生來說，有可能會導致身體虛弱，損害陽氣，導致精神不振、頹廢無力，所以一定要注意食用量

材料：竹蔗2條、蘋果2個、魚腥草4兩、青橄6粒、糖冬瓜4兩

魚腥草洗淨(小根也要清除乾淨)；竹蔗洗淨，破開；青橄洗淨後用刀背略拍扁；蘋果先刮去表面果蠟，洗淨後去芯切件；煲內放約2公升水，然後隨水加入竹蔗、蘋果及青橄

待滾起後，用大火煲約20分鐘，然後加入魚腥草及糖冬瓜

再轉慢火繼續煲30分鐘，即成