我的抗病歷程~覆診7

6月29日-7月5日 [11/52] 今星期步行66,947/35.7公里

7月6-12日 [12/52] 今星期步行59,745/36公里

7月13-19日 [13/52] 休息充裕，作息正常

8月14日(星期一) [17/52] 昨晚肚痛及肚瀉，今早肚瀉

9月13日(星期三) [21/52] 為了買個中秋小食套餐，走出嚟嘅時候，冇留意有一台階不小心跌倒，飲完杯奶茶後已覺不妥整天作嘔作悶又冇晒胃口，晚上還失眠，整夜未能入睡

9月14日(星期四) [22/52] 昨天冇胃口飲咗碗湯食咗半碗飯，加上整夜失眠，朝早起床感覺身體極其虛浮，個胃還抽住痛，大半天躺臥床上，身體完全不在狀態，只好拖着虛弱的身軀到普通科門診求醫，剛巧編配張醫生主診，她耐心聆聽我的狀況話可能食咗啲不潔食物絞着肚子當清吓腸胃，今天唔食嘢唔緊要，取藥回家要好好休息，還提醒我現階段應好好保養身體才為最要，忠告我食物攝取係要靠自己必須要有充足的飲食營養，不然嘅話病菌便會乘虛而入拖累了自己身體，感恩張醫生的關懷
9月15日(星期五) [22/52] 前天失眠，昨天乖乖食藥後早睡，可以安睡但不是熟睡，身體比昨天好得多，但是個口嗰粒大痱滋加上舌邊及牙肉都有痛楚，我又怕失眠影響身體，預約中醫調理下，醫師話先治好失眠後調養身體
9月17日(星期日) [22/52] 今回飲過這次中藥後，感覺肚子實實的，醫師又未能處方針對醫治我的痱滋、舌邊及牙肉痛楚，以及改善失眠，經過這幾天中西醫治下還是西醫治療好一點
翻查中醫處方中藥內有膽南星，這中藥是牛、羊或豬膽汁經加工而成，最令我不安的是我已戒食牛肉多年，不看成份由是可看過後內心忐忑不安，其次我亦明言我是癌症病患康復者去年才動手術，這中藥含牛、羊是否適合我嗎?醫師還將份量double用咗12克(一般建議3-6g)，其他磁石、化橘紅、黃連、地黃、黃芩這些中藥我都很少服用，按指示三天劑藥服完後亦不會回診，也要慎重考慮中醫調養身體，真係病到頭昏腦脹，這回雙管齊下中西合璧治療，個人認為自家食療湯水較為妥當

9月18日(星期一) [23/52] 跟假E訴說粒大痱滋影響進食，她建議食奇異果話可提高免疫力還可幫助傷口癒合，食咗兩三天奇異果口腔不適情況已有改善，當初自己也懷疑又出現唔好嘅嘢呀
近期多焗羅漢果麥冬茶、百合茯神麥冬茶、羅漢果甘草菊花茶幫助改善睡眠
總的來說正是時常警惕康復後必須僅慎照顧自家身體引致心情緊張，加上脾胃濕重，失眠導致虛火上升，又因近期頻密處理牙患，以及經常用漱口水清潔口腔削弱自家抵抗力引致口腔不適，其次是戒食牛肉缺乏鐵質，導致血色數唔夠、貧血及營養不良，可說是為身體不適的疑惑推算出來的答案

10月2日(星期一) [24/52] 上回跌倒膝蓋瘀傷差不多三個星期才散瘀，膝蓋仍隱隱作痛

10月5-11日 [25/52] 淺嚐今年中秋月餅，肚子仍覺實實的，冇咩胃口，近期秋高氣爽，鼻敏感發作，要密密食敏感丸

10月17日(星期二) [26/52] 預約到灣仔照腹部超聲波，今早8點多早餐後禁食至下午3點，感覺今回公營機構比上回私營機構好得多，雖則私營機構安排時間可快些外，其次係比錢買服務，多做多賺錢如工廠密集式生產線流程，護士工作量多態度公式化做到麻木咗，記起上回個助手要周圍摷衣服還要打開座椅拎套衫褲比我，套衣服都唔知放咗幾耐喺椅內?還順手攞裝隨身物品嘅藍仔比我，搞到我隻腳生粒粒都分不清是否顯影劑敏感還是係啲物件污穢呀，上回個肝臟超聲波10分鐘內已經搞掂，今回公營機構負責醫生好助手好又準時，助手叫入診症室醫生先入完資料然後話:你好我叫梁醫生，佢睇完病歷先照右腹，然後問多一次我邊樹不妥，接著照左腹，醫生返回座位又睇下報告，跟住又再照多次左腹，搞妥後細心跟我講:右腹冇咩問題，左腹有黑影通常都係膽石或腎石，返回主診醫生跟進會否安排電腦掃瞄，過程大約半個多鐘

10月19-25日 [27/52] 雖則照完ultrasound話有啲問題，左腹冇痛及不妥，盡量放鬆心情唔想太多，但整個星期睡眠不佳

10月26(星期四) [28/52] 覆診日，步入診症室看見高級醫生，我已點頭笑著，羅醫生細心問有冇其他不妥後，我說沒有，她接著說上回報告冇問題，今回同樣例行檢查，佢手勢好唔痛，我話好似個超聲波報告有問題喎，佢話是否呢度安排架，我話係呀，她又即時在電腦睇下資料，然後話:個肝冇事，有粒纖維瘤，安排轉介泌尿科跟進，呢樹冇問題搞掂走得
攞住張轉介信往外科排期，呢樹超多人，3號窗排隊護士站睇文件，然後行過隔離又排隊預約登記，預約期係2018年11月5日要等356天
正是等著這個超聲波報告看否需進一步自行安排全面身體檢查，剛才忘記問醫生為何我感覺右腹有痛楚而現在發現左腹有問題?

開心歡聚中秋節@2017

今年中秋節跟國慶假期相遇，中間相隔一天，大部份人選擇外遊，黃金週第一天國內多條主要幹道大塞車，星期日跟老大先嘆茶然後即興往B媽至愛嘅海鮮蒸鍋
老大話呢個嗰個又話去邊樹嗰樹，本來人少少話去靚太家BBQ，各有各忙遲遲未覆人數搞到book唔到BBQ爐，天文台又話中秋節當天會下雨，而二姐細孫只得5個月大需要baby room嘆媽媽奶 ，匆忙book咗個渡假營作為大家的基地，各家帶啲食物，原先呢個話唔嚟嗰個又話唔得閒有啲又話食埋飯嚟，結果人月倆團圓歡聚一番
小寶貝們只是擕著花燈進來，在營舍內都可以玩到癲呀，室外靚view都唔埋

講好咗我只負責豉油王炒麵，簡單又美味，搶先吃光

賞月必備的水果

B媽又拎啲生果嚟

還有月餅

咖喱爸預先send相嚟話整呢件斧頭扒嚟

大姐叫佢負責小朋友的飲品及買蕉，佢又唔聽話拎個發泡膠箱買咗2包冰還有啤酒、汽水、檸檬茶及菊花茶，還有佢嘅強項：極品一品鍋，佢將啲丸類、魚腐、炸豆腐、芝士腸及蘿蔔共治一爐，加送1盒外賣煎餃、1盒提子及柿子，結果…啤酒冇人飲(要揸車)，有一半飲品剩下，一品鍋冇人食，唔想浪費免強食埋半盒煎餃子，呀大姐，雖則妳女婿有車管接管送，但由下車地點到營舍需要步行一段斜坡及梯級，拎咁多嘢嚟又要搬番一半走，我都肉赤要一個詩文靚仔搬搬抬抬呀
二姐叫佢炒飯及豉油雞翼，佢驚唔夠食整多咗通粉、買咗生炒骨、蛋糕仔比啲孫食，結果通粉及蛋糕仔要拎返屋企做早餐
原先我話買條叉燒伴豉油王炒麵，假E話佢買啦，橫樹都係嚟我樹一齊打的，佢等我期間掃街買咗20元煎釀三寶，想買燒排骨又唔靚，多買半隻雞及半條紅腸
小馬媽今年要揍囡唔得閒買生果，話係咁二買燒腩仔啦，都一大盒
至於大佬話出去入油，買咗10碗糖水返嚟剩4碗，二姐用佢帶食物嚟嘅保溫壺拎走
搞笑嘅係我們啲second generation紛紛post上fb話：係邊樹玩玩什麼都不要緊，最緊要一家人聚在一起，一起就已經很高興，下次唔好整咁多嘢食喇，家長們聽到嗎

今年收到9盒月餅+4個迷你月餅，8款味道
我仍然至愛傳統蓮蓉月餅及自家製酥皮金沙奶黃月餅

陳皮月餅，陳皮味蓋過月餅嘅味道

 小姐至愛榴槤月餅

 飲茶打心口要買的月餅

 小姐至愛雪糕月餅

蛋黃酥 

 著名品牌月餅

小姐至愛抹茶月餅 

 今年熱賣流心奶黃月餅 

B媽請我食嘅金箔月餅

奇華奶黃月餅 

 美心雙黃白蓮蓉月餅

有2盒

奇華豆沙月餅

B媽請我食流心奶黃月餅

酥皮豆蓉月餅

今年酥皮金沙奶黃月餅產量少咗，見雪櫃有開邊綠豆，本想玩千層酥皮月餅，新手搞唔掂個千層皮，變咗酥皮月餅

綠豆蓉材料：開邊綠豆300克、鹽2茶匙、糖200克、熟芥花子油180-200克

做法：

1. 綠豆邊先洗2至3遍，然後清水浸過面，放雪櫃過夜，再清洗多2至3遍，去除豆腥味，加水過面下鹽2茶匙
2. 中大火煮滾，轉小火，見水面有白泡泡浮面，用湯殼片出白泡不要，加蓋煮約20分鐘，見豆邊開花，熄火加蓋焗約半小時王腍，瀝乾水，壓成蓉，過篩使其更幼滑，篩內豆皮不要
3. 先將芥花子油慢火煮至微起煙，成熟芥花子油，小心盛出一半，一半留鑊內，備用易潔鍋內加小心加入綠豆蓉，與鑊內熟芥花子油順一方向攪拌，直至豆蓉與油溶合
4. 分2至3次加入糖，順一方向攪拌與糖溶合，才分次加入剩餘的芥花子油，摌至成綠豆蓉，攤涼，用保鮮膜包好，放雪櫃冷藏
5. 取出綠豆蓉，先將綠豆蓉搓揉均勻，分成10份每份約重30克，備用
6. 包入鹹蛋黃半隻，捏埋口，搓成圓球形
   

水皮材料：中筋麵粉150克、黃糖18克、奶粉4克、鹽1克、無鹽牛油(無水奶油/豬油)36克、冰水60克
做法：同搓勻，略起筋光滑，用保鮮紙蓋好，醒麵30分鐘，分成10份

油酥皮材料：低筋麵粉210克、無鹽牛油(無水奶油/豬油)90克、吉士粉5克
同拌勻成糰，醒麵30分鐘，分成10份

組合：

1. 水皮包入油酥皮，收口向上排好
2. 從第一個開始，用麵棍擀成長方型(可用手拍酥皮法)，然後由上捲向下，收口向上依次用保鮮紙蓋好，靜置15分鐘
3. 每枝平均切開4份，兩塊一組分成兩組，左邊第一塊的外面叠在第二塊的上面，右邊兩塊同樣做法，然後將兩份叠埋一齊
4. 用手掌輕力按扁，中心點盡量在中間，用擀麵棍輕力略為開薄邊皮
5. 反轉酥皮，切口向外，包入餡料
6. 包好後，收口向下
7. 預熱焗爐200度(上下火)，約10分鐘
8. 入爐以180度(上下火)中層焗約20至25分鐘(不要烘得太耐，小心爆肚)
   

看似簡單，新手的我好難掌握，做唔到千層酥皮，有待改進

 大姐、二姐、假E每人2個