流心朱古力包

3月16日(星期一)：流心朱古力包

3月30日(星期一)：流心朱古力包
流心朱古力是為小姐而設的，懶得掃蛋漿，只是噴點水，麵包鬆軟但樣子不討好

圖下最小2個是我的(內裡沒有朱古力餡)

玫瑰花番薯饅頭

3月31日(星期二) 玫瑰花番薯饅頭
簡單的一個饅頭，花點心絲，雖然工序多咗，做好拍照傳比小可愛，佢要咗12粒呀

材料：中筋麵粉250克、鮮奶90克、黃糖45克、酵母3克、粟米油8克、蕃薯60克

 

蕃薯去皮切小塊，水滾蒸15分鐘，取出，趁熱用叉壓成蓉備用

鮮奶加入酵母攪至溶解
把所有材料混合搓至光滑，靜置鬆弛5分鐘

把麵糰壓成薄的長方型，摺成三塊，再壓開成長成型，其中一邊壓薄方便黏合，均勻地掃上少許水，緊密捲起，平均分割成8份，頭尾切出分割16份捲成圓柱狀做花芯，然後每份再平均分割成小至大5份壓薄成圓形，由左至右及小至大排開，再由左至右捲起成為玫瑰花

每個排放在已舖牛油紙的蒸架上

  醒發30分鐘

 隨凍水一齊大火蒸20分鐘，熄火，打開少許蓋疏氣5分鐘才可取出

脆皮芝士腸包

3月26日(星期四)：脆皮芝士腸包
剩下4條脆皮腸，沒有做型是普通腸仔，小姐真識揀，拎晒4個都是脆皮腸

南瓜包

3月18日(星期三)：南瓜包
實質南瓜包已足夠，小姐獨愛有饀，唯有放d南瓜茸入去啦

亞麻籽芝士包

3月17日(星期二)：亞麻籽芝士包

沒有做型嗰2個係冇芝士

陳老二生日快樂

昨晚陳老二生日請食飯，多謝哂呀！

祝 生日快樂，身體健康！

咁高興，我嘅皇牌紅棗蛋糕緊係要出場啦，靚太預定1個比佢，隨便做咗4個

羊年開爐大吉

羊年開爐糕糕大吉
個焗爐呢亦都休市咗兩個星期，第一擊出爐係咖啡蛋糕

3月2日(星期一) 咖啡蛋糕，唔想做包玩咁夜，整個咖啡蛋糕出爐
3月3日(星期二) 芥末脆皮芝士腸包
成日行過超市，見到芥末脆皮芝士腸，好想試吓，買番嚟做吓包，焗嗰時已經香噴噴，包包深夜出爐，都好想吞咗佢呀

3月4日(星期三) 生煎韭菜包

突然好想食生煎包，未玩過，買3元韭菜做吓幾個包仔，餘下韭菜要嚟煎蛋，未玩過生煎包，又幾好味喎

3月5日(星期四) 朱古力紐紋包，朱古力係小姐嘅至愛，整吓做型麵包幾好玩

雙色湯丸

羊年開廚大吉

兩個星期休市無煮晚餐，各人都好掛住美味嘅餸菜呀，羊年開廚大吉

3月1日(星期日) 紹菜粉絲炆紅鮪、豉油雞、鮮淮山紅蘿蔔粟米蘋果湯

3月2日(星期一) 炒飯，呢個月各人飯局亦多，個廚房都好得閒

3月3日(星期二)炒菜芯、梅菜蒸肉餅、蒸鹹鮮魚、枸杞豬膶瘦肉湯，現剩餘2條鹹魚存倉

3月4日(星期三) 麵醬煮年藕、韭菜煎蛋，買咗3元韭菜，做2味，韭菜煎蛋&生煎韭菜包

3月5日(星期四) 沙茶醬芥蘭、蒸鹹魚、臘腸蠔仔飯，蒸鹹魚及臘腸，緊係加餸比大佬專用啦

年宵花市

年廿九，相約大姐早點行維園花市，避開晚一點的人潮，時間尚早，人群疏落，可輕輕鬆鬆逛了一會，遊閒寫意地行吓拍吓照

步進入場，外甥孫已被泡泡搶吸引注了嚷著要購買，先買1款討她歡心。繼續前行，又被可爬牆玩具吸引著玩得開心，結果又販了給她。逛個2圈，另1檔檔主手拿2款泡泡搶在玩，又吸引班小鬼追著他，最後亦買了3款給他們年初三團拜一起玩樂一番

最後我被花海吸引著，隨意拍吓照片

大吉大利

桃花盛開

富貴水仙

五代同堂

牡丹艷麗

蘭花多美

當然，逛完花市跟大姐嘆番個下午茶先返歸啦，晚上由佢做煮到外甥女家食團年飯呀

鮮淮山紅蘿蔔粟米蘋果湯

3月1日(星期日)：紹菜粉絲炆紅鮪、豉油雞、鮮淮山紅蘿蔔粟米蘋果湯

二月下期晚餐

整個二月份，多項零星鎖碎的事情忙著，家裡又要搞清潔大掃除，都無咩煮個晚餐，襯呢兩日得閒，摷吓啲相，講番啲舊嘢先

2月8日(星期日) 沙茶醬炒芥蘭、薯仔雞、豉汁蒸黃立倉、鮮淮山粟米紅蘿蔔煲豬橫脷湯
大佬近來心廣體胖，三高數字直線上升，他愛吃又唔戒口，煲個豬橫脷湯幫助吓佢降糖尿

2月9日(星期一) 蜜豆杏包菇炒豬頸肉、蠔仔飯

2月10日(星期二) 西蘭花炒墨魚膠、蜆肉蒸蛋、蒸鹹魚、枸杞豬膶瘦肉湯

2月14日(星期五) 蘿蔔煮魚鬆、蒸沙薑雞腿、番茄薯仔湯
近來少煲湯，滾個快、靚、正嘅番茄薯仔湯補充吓，清咗冷宮2隻雞腿，放番啲豬手、魚、蝦、蠔、雞、年糕、蘿蔔糕，雪櫃又堆得滿滿
接著兩個星期，各人飯局及節目多多，廚房歲晚收爐，羊年開廚大吉！

陳年鹹柑桔

做咗口罩黨成個星期，呢兩天又咳又喉嚨痛，快快摷番啲寶物…陳年鹹柑桔，沖咗兩劑，搞掂哂！冇事 lu

這顆仙丹，入口鹹、甘、香、醇……正呀

看看這瓶陳年佳釀應是2006年或以前，家母用她傳統的智慧，用報紙包裹瓶底，以防我們不小心弄破，同時亦將它存放在陰暗廚櫃的角落，要不是我需要它時，我亦忘記這寶物的存在，這正好是時間的引證

真滋味油糍

每年農曆年初，我家屋苑附近有三至四天都會像深水埗桂林街的夜市般，各式各樣的小販檔開賣自家特色食物，我尤其喜歡油糍 (炸蘿蔔絲餅)，今年要15個大洋1個

檔主今年全家總動員出撃，隔離開多檔印尼沙嗲，不需要像往年般，要排大隊呀

這個炸物，在農曆年時吃，份外滋味。我不喜歡開油鑊，試過用煎的方式處理，味道當然不同啦

年初三高興團拜@大姐家

靚太早在聖誕節聚會裡已預約今年團拜在她老媽家歡聚，當天大小20人，整天都是…食。最有趣是…雞蛋仔檔都有呀！

專業用雞蛋仔模具

話說有個浪漫又搞笑嘅愛情故事，小馬媽跟小馬爸訴說家居附近嘅雞蛋仔味道不好，那個小馬爸竟在情人節當天買咗sets雞蛋仔用具番嚟，話係情人節禮物，好認真咁整比小馬媽食，小馬爸即場表演過後，小馬媽回敬話:我都係隋隨講吓啫，唔洗咁大整古吖?抬部機番嚟自己開檔，篩粉完又要過濾，仲要開個風扇服侍佢，搞咁多嘢，比15元街外啲老闆賺啦，玩完仲要搞清潔呀！^-^
那個傻瓜佢點認真，全套用具包括:專業用雞蛋仔1台[電動嘅] 上海街買喎、烘焙店買:雞蛋仔專用粉(預伴粉)、篩粉隔、過濾隔器皿、油掃、菜油、水壺、北海道3.6牛奶、日本雞蛋。還有自己親自主理:打蛋、篩粉、開粉漿後又過濾多餘嘅粉粒、粉漿調較好又要rest至少半小時，預熱雞蛋機後，模具抹油，落粉漿到雞蛋仔機，反轉，用160度每邊2分鐘(個機有timer架)，done ，取出，立即用架盛起，用風扇吹1分鐘(可手動用扇撥涼)，皮脆蛋香。100分
佢拎埋sets嘢嚟表演，還帶埋電動打蛋器、電子磅、打蛋器皿，只需要供應電力比佢就得，當天啲小朋友同佢玩得好開心

真係好似專業開檔咁呀

全部用具都拎埋嚟

出爐第一餅，各人爭相拍照，有人已手動撥涼

當天嘅嘢食數之不盡，有好多都冇拍照
我負責家鄉糯米飯。用咗 2斤糯米、長紹菜1棵、大澳鹹蛋黃4隻、臘腸6條、鮮魷1隻、紮肉1條，分2次炒，其中1鍋走鮮魷

2斤糯米及配料

大姐嘅碗仔翅、鮮果沙律、馬蹄糕、椰汁糕
二姐嘅桑寄生蓮子蛋糖水
B媽嘅年糕、蘿蔔糕
靚太嘅三色包卷(三文魚、燒牛肉、蝦)配三文魚醬、瑞士肉丸、DIY方型漢堡包、煙三文魚、pizza，佢話 ikea歐洲食物節買嚟試吓…OK啦！

靚太DIY方型漢堡包

還有小馬爸的雞蛋仔及超大粒瑞士蓮朱古力，有得睇冇得食，各家長不同意小朋友拆開嚟食

玩完雞蛋仔，同我班小鬼到公園玩年宵時我買比佢哋嘅泡泡槍
由中午食到晚飯，簡簡單單整咗蒸海蝦、煎煮紅鮪、灼菜芯、年藕三色椒炒燒肉、蘿蔔煮什丸、還有我煮嘅一口小冬菇

我當天8點起床預備炒糯米飯及炆煮一口小冬菇，中午到達大姐屯門老家
晚上各人盡興後，勞煩靚太及大姐清理場地