新春團拜@2018

由於受12月突發家事影響，各人心情沉重又忙著零星鎖碎事項，今年新春團拜我們決定外食

家裡柴、米、油、鹽、醬、醋、茶充足，今年只是買條黃花魚「宅年」，寓意「年年有餘」

2月16日年初一(星期五)
 一改以往作風，炸粉絲、腰果、甚至南乳齋都沒有出現，一大清早擧家浩浩蕩蕩往小馬家的大宅新春行大運，老大一家是初次感受佢哋嘅新春聯歡會，少爺仔有啲唔習慣

每枱有糖果及村民自家製XO醬

2月17日年初二(星期六) 早上往荃灣開年祭祖，然後在老大家食開年飯，老大今年特意往果欄挑選靚靚生果款待我們

2月18日年初三(星期日)
中午女子組已相約在老家雀局聯誼，然後一同往晚餐，B媽比咗2個麵餅要求豉油王炒麵，話加啲糕點就足夠，個豉油王炒麵出場，大佬已急不及待要咗半碟，實則我預備另一碟鮮蝦帶子炒麵，大佬話知你還自加罐鮑魚細味品嚐，佢個人差不多食咗一半，於是急取儲備，整多個上海年糕，呢個嗰個話食咗嘢嚟，結果雀友們連大佬5大2小可消滅整底芋頭糕、豉油王炒麵、鮮蝦帶子炒麵、上海年糕及1/3底棗皇糕，佢哋話金御個芋頭糕好味，我主廚話:未食喎，她們才良心發現留我一小碗上海年糕及一小口棗皇糕…多謝晒呀﹗

豉油王炒麵、鮮蝦帶子炒麵、芋頭糕及上海年糕

B媽送給的棗皇糕，拎到嚟雀友們已急如星火般蒸咗1/3嚟食

雀友們飽餐一頓後當然節目豐富啦，靚太即興相約小朋友到公園遊玩，我當選雀友們寶貝孫兒的保母，快手煲個眉豆發菜糖水，將所有材料放進智能煲，發菜安排雀友後下，叮囑她們要預留給我，然後護送小主子到公園匯合他們的爸媽

賀年必備眉豆發菜糖水，老大超like

放完電小饑民叫好肚餓，公園好大風將小妹妹放在屏障內她不時大叫要出嚟玩

早上已備材料個焗椰汁年糕安排押後送出

過年呢個係壓軸出場嘅甜品，唔出現呢佢哋唔肯走架，他們要食埋呢個甜品才回家

開心歡聚新春團拜晚餐，祝賀萬事勝意、身體健康

多謝小馬家的禮物

B媽已給我棗皇糕，佢話新年唔好兩手空空嚟，又給我靚靚蝦子麵，已食半係我新春的糧餉

假E澳門直送的手信，還有牛耳、南乳餅…雀友們又急不及待消滅咗

二姐嘅蛋卷

2月24日年初九(星期六) 靚太相約下午茶，快手焗椰汁年糕回禮

下午茶後都好飽，簡單在她家火鍋

2月25日年初十(星期日) 相約老大嘆茶

巧遇醒獅賀年