10月份家常便飯

10月1日(星期三) 清炒娃娃菜、翻熱祭祖燒鴨、咸酸菜炒燒肉、番茄薯仔魚湯
已預早安排昨天重陽登高祭祖，各人悶著心情，回家只是翻熱祭祖燒肉及燒鴨+番茄薯仔魚湯及清炒娃娃菜，隨便一個簡單晚餐吧

10月3日(星期五) 主題日晚餐：煎韭菜餃、菜乾煲豬骨粥
心情悶透了，呢幾晚都睡不著，個頭重重又痛，隨便拿些菜乾煲豬骨粥配個煎韭菜餃為今晚主題日晚餐

10月6日(星期一) 麵醬煮豆角、蝦醬肉碎豆腐、美極煎豬扒

10月6日(星期一) 麵醬豆腐煮茄子、梅菜肉餅飯

10月7日(星期二) 炒菜芯、薯仔炆排骨

10月8日(星期三) 肉碎魚肉煎爙三色椒、蟹柳蒸蛋

10月9日(星期四) 炒粒粒(翠玉瓜、粟米、菜脯、豆乾)、滷雞翼尖(外賣)

10月12日(星期日) 家鄉炒麵、鮮淮山合掌瓜粟米紅蘿蔔湯
為咗應付大佬返嚟食，炒咗兩個麵餅比佢，我食咗半碗，餘下大佬吃光了

10月13日(星期一) 蒜茸炒豆苗、豆腐粟米煎肉餅

、

10月15日(星期三) 麵醬煮茄子、蠔仔蒸蛋

10月16日(星期四) 南乳粗齋、B仔雞翼

10月17日(星期五) 炒飯、粟米湯

我現在才開始吃十穀米，大佬除外，咁健康嘅嘢佢唔啱架，昨晚有飯剩，今晚用嚟炒飯，效果唔錯，小姐添飯呀，配多個粟米湯，簡單又一餐

10月19日(星期日) 紹菜魚肉豆卜炆魚、栗子炆雞、蘋果粟米紅蘿蔔湯(鮮淮山、雪耳、蜜棗、南北杏)
是日同外甥一家飲茶，嘆完去公園玩咗陣，速返歸已6點，用智能快速煲煲咗個蘋果湯，現已懂得操控技巧，這個湯小姐大讚good呀

10月20日(星期一) 鮮蝦炸魚片炆糙米粉
是日一人前，買咗蝦，用蝦殼做湯底，加 炸魚片炆咗個糙米粉，滿足

10月21日(星期二) 炒菜芯、豉汁蒸排骨、蒸鹹魚，配合大佬胃口，全部餸菜是佢至愛

10月22日(星期三) 南乳煮蓮藕荷蘭豆、蠔仔飯，今晚煮咗蠔仔飯配個南乳蓮藕，惹味又添飯

10月23日(星期四) 麵醬炒荷蘭豆雲耳洋蔥酸菜、玉子豆腐魚肉煎蛋
我家居個富貴街市有5元魚肉賣，簡直是開心大發現呀，加埋玉子豆腐嚟煎蛋，簡單平凡又美味好送飯，昨晚食咗半份荷蘭豆，今晚加 d洋蔥、雲耳、鹹酸菜用麵醬炒，好味呀

10月24日(星期五) 家鄉炒麵、菜乾豬骨粥

10月26日(星期日) XO醬炒西蘭花、番茄燴豬扒、B仔雞腳、西洋菜湯(羅漢果、蜜棗、南北杏、紅蘿蔔、西施骨)

是晚最受歡迎是B仔雞腳及西洋菜湯，我愛上智能高速煲煲湯，這個西洋菜湯，小姐連湯帶渣喝了2碗，買咗2斤幾西洋菜放滿整個智能高速煲，星期二晚用蒜茸清空埋餘下的西洋菜

10月27日(星期一) 煎餃、炒烏冬
星期日晚全部餸菜，除了鹹檸檬蒸鳥頭各人喜歡，滿足，小姐要求食煎餃子，配個炒烏冬，可算是日式晚餐吧

10月28日(星期二) 蒜茸西洋菜、B仔雞翼、榨菜雲耳蒸豬肉、豉汁蒸烏頭
星期日買咗條肥美的鳥頭，開半用咗鹹檸檬嚟蒸，d大哥大姐唔喜歡，要求用豉汁蒸，佢哋班怪人硬說豉汁較為恰當，餘下半條順應民意今晚用豉汁蒸埋佢

10月29日(星期二) 炒菜芯、炒飯(粟米、腸仔、魚肉)
咁簡單的炒飯，雞蛋是主要材料，但是家裡班大哥大姐是喜歡超多餸料架，真是殊不簡單，要配多個菜芯調適吓

10月30日(星期四) 蒜蓉西蘭花、番茄煮蛋、榨菜雲耳蒸肉絲、蒜蓉雞扒、蒸鹹魚
近日不想動腦筋，again 咗前兩天的食譜，今晚蒜蓉西蘭花及榨菜雲耳蒸肉絲，呢嗰係前兩天扣起，今晚大佬又玩即興，7:30話返嚟食飯，加多個蒜蓉雞扒配合番個怪獸，佢又買咗盒墨魚叉燒，豐富極了

10月31日(星期五) 主題日晚餐：菜乾粥、家鄉銀針粉

主題日晚餐-家鄉風味晚餐

我並沒有遺忘小姐發起嘅星期五主題日晚餐，今晚想吃粥，又很久沒有吃銀針粉，來個組合，家鄉風味，新鮮食才有娃娃菜及雞肶菇，慳家食材選取隔夜餸，有上回剩餘嘅燒鴨起骨切絲，啲骨呢用嚟煲粥，還有剩餘嘅B仔雞翼汁用嚟煮銀針粉，各位大哥大姐，我冇乞薄你哋架，這個配搭味道唔錯呀

10月31日(星期五)主題日晚餐：菜乾粥、家鄉銀針粉

蕃薯pancake(麵粉版)

實則做蕃薯pancake，我偏愛蕃薯用量比較多及用糯米粉QQ的口感，為了給小姐作比較，昨天再戰試用麵粉及做形大一些(每個用2湯匙麵糊)，結果糯米粉成功取勝
今回在有限資源下製作，因沒有牛奶用半杯暖水加2湯匙奶粉代替及黃糖只剩下20克，餘下用砂糖代替

材料：蕃薯茸180克、雞蛋1隻、牛奶半杯、黃糖40克、橄欖油15克、低筋麵粉60克

先將蕃薯茸、雞蛋、黃糖、砂糖、牛奶及橄欖油混合，篩入低筋麵粉拌勻(此步驟可預先做好，放入雪櫃冷藏，製作前取出回溫便可)
燒熱平底鑊，輕輕塗抹薄油，倒入麵糊，用中小火煎至餅邊可用鑊剷推動，反轉另一面煎至金黃即可

蕃薯pancake

我個人比較喜歡熱食，昨晚調較好麵糊，今早整咗蕃薯pancake，配個麥皮做早餐，今早不消15分鐘，便能吃到熱烘烘的營養早餐，天氣轉涼，吃過後整天活力充沛

蕃薯pancake材料：蕃薯茸180克、雞蛋1隻、牛奶半杯、黃糖40克、橄欖油15克、糯米粉60克(此份量可做15個迷你pancake)

先將蕃薯茸、雞蛋、黃糖、牛奶及橄欖油混合，篩入糯米粉拌勻(此步驟可預先做好，放入雪櫃冷藏，製作前取出回溫便可)
用糯米粉感覺黏稠些(QQ的)，我固意保留些蕃薯粒比較有口感。蕃薯是配片糖較為恰當，為求糖與麵糊較易混合，用黃糖及砂糖代替易亦可

燒熱平底鑊，輕輕塗抹薄油，倒入一湯匙麵糊，用中小火煎至餅邊可用鑊剷推動
我慣常先放4個麵糊於鑊中央，煎約2分鐘反轉面煎1分鐘後推至鑊邊，然後繼續完成餘下的麵糊

反轉另一面煎至金黃即可

B仔系列

話說個B仔雞翼，因為星期日煮咗個B仔雞腳，個個食到唔停口

10月26日(星期日)晚餐：XO醬炒西蘭花、番茄燴豬扒、B仔雞腳、西洋菜湯
是晚最受歡迎是B仔雞腳及西洋菜湯

今晚再戰B仔雞翼，先撈起雞翼煮料汁另上，我只是食咗一隻，餘下大佬跟小姐，全部吃光
10月28日(星期二)晚餐：蒜茸西洋菜、B仔雞翼、榨菜雲耳蒸豬肉、豉汁蒸烏頭

西洋菜湯

是晚最受歡迎是B仔雞腳及西洋菜湯，我愛上智能高速煲煲湯，這個西洋菜湯，小姐連湯帶渣喝了2碗，買咗2斤幾西洋菜放滿整個智能高速煲，星期二晚用蒜茸清空埋餘下的西洋菜

10月26日(星期日) XO醬炒西蘭花、番茄燴豬扒、B仔雞腳、西洋菜湯

材料：西洋菜600克、南北杏各15克、蜜棗3粒、羅漢果1果、紅蘿蔔1條、西施骨500克

讓一切隨風

一個不想接受的事實，老五昨晚如安睡中離去了

你真的是一個勇敢戰士，由最初有鬥志及堅定面對頑疾，直到最後，終被病魔拖垮了

我們既擔心又難忍你被病痛折磨的日子，雖有不捨，實則，這是唯一切切實實的解決方案

老五，你已解脫病痛的折騰，記著朝著光耀方向，讓一切隨風，一路好走

昨晚徹夜難眠，腦海湧現一幕又一幕我們兒時的生活片斷，躺著哭了一遍又一遍，你的歡笑為我們充滿快樂和希望，我們永遠懷念你

蘋果粟米紅蘿蔔湯

是日同外甥一家飲茶，嘆完去公園玩咗陣，速返歸已6點，用智能快速煲煲咗個蘋果湯，現已懂得操控技巧，這個湯小姐大讚good呀

10月19日(星期日) 紹菜魚肉豆卜炆魚、栗子炆雞、蘋果粟米紅蘿蔔湯

材料：鮮淮山、雪耳、南北杏、蜜棗、蘋果、紅蘿蔔、粟米、豬腱、果皮

南乳粗齋

今晚這個南乳粗齋啱哂小姐胃口，佢都係比較喜歡濃味的食物

10月16日(星期四)晚餐：南乳粗齋、魚露浸雞翼

材料：紹菜、豆卜、粉絲、冬菇、雲耳、雞脾菇、薑片、南乳1磚、腐乳、片糖碎、紹興酒
我慣常將所有南乳粗齋用料先汆水(目的是讓餸菜更易吸收南乳醬汁)，瀝乾
然後用小火爆炒薑片及南乳醬(南乳1磚、腐乳1磚、片糖碎及紹酒各1湯匙拌勻)，加入冬菇、及雲耳炒一會，繼而加入豆卜、紹菜及雞肶菇，最後加入粉絲及水半碗，蓋上蓋煮5分鐘，埋薄生粉茨(埋薄生粉茨後使南乳汁充分掛滿餸菜上及不會瀉水)

蠔仔蒸蛋

參考大少奶蠔仔砵食譜，做咗個蠔仔蒸蛋，原食譜蒸好後放入焗爐焗20分鐘，我只是蒸

10月15日(星期三)晚餐：麵醬煮茄子、蠔仔蒸蛋

蠔仔蒸蛋材料：蠔仔半斤、雞蛋2隻、油條半條(切片)
蠔仔洗淨，快速汆水，瀝乾，用胡椒粉、味淋、魚露、麻油拌勻
雞蛋打勻，拌入已調味好的蠔仔、油條，灑上蔥花，用保鮮紙蓋好，蒸10分鐘，熄火，焗10分鐘

重拾記敘

上星期因受家事影響心情並不太好，簡單隨便煮咗幾餐，亦無心情寫吓網誌…

今晚小姐佢胃口特別好，所有餸菜都吃光了

無論心情好壞與否，這刻…她推動我重拾網誌記敘

10月6日(星期一)晚餐：麵醬煮豆角、蝦醬肉碎豆腐、美極煎豬扒

上星期如常每晚自煮家庭晚餐
10月6日(星期一)晚餐：麵醬豆腐煮茄子、梅菜肉餅飯

10月7日(星期二)晚餐：炒菜芯薯仔、炆排骨

10月8日(星期三)晚餐：肉碎魚肉煎爙三色椒、蟹柳蒸蛋

10月9日(星期四)晚餐：炒粒粒(翠玉瓜、粟米、菜脯、豆乾)、滷雞翼尖(外賣)

10月12日(星期日)晚餐：家鄉炒麵、鮮淮山合掌瓜粟米紅蘿蔔湯(茨實、薏米、蜜棗)
上星期買咗料煲湯，小姐有節目，一人前
今星期小姐又有節目，是日冇預算煮飯，只想清理煲湯食材，為咗應付大佬返嚟食，炒咗兩個麵餅比佢，我食咗半碗，餘下大佬吃光了

10月13日(星期一)晚餐：蒜茸炒豆、苗豆腐粟米煎肉餅