9月份家常便飯

個智能煲開咗光，呢個月用呢個煲煲湯

9月2日(星期二) 炒菜芯、蒸排骨、番茄薯仔魚湯
外出美食多，都不及自家飯餸好，前幾天我哋嘆完米芝蓮鵝，留起幾件比小姐今晚嘆，佢湯都灌咗兩碗

9月3日(星期三) 麵醬炆茄子(大佬唔食茄子)、蝦米粉絲蒸蛋、土魷蒸肉餅

原定今晚煎餃+炒飯，唯有B計劃，摷雪櫃變d餸出嚟
蒸水蛋變化多樣，實是最方便的家常菜式，昨晚滾咗湯今晚免啦，今晚唔知咩事load相當慢，而家先搞店

我呢個大佬今晚拎咗佢個friend整嘅芒果芝士cake嚟返食飯

9月4日(星期四) 福花炒煙鴨胸、蘋果粟米紅蘿蔔湯
加大佬外賣嘅魚生飯、日式螺肉、八瓜魚仔、帶子裙邊、日式芝麻醬伴沙津菜

今晚用咗智能煲嚟煲湯

9月5日(星期五) 炒上海年糕、菜乾豬骨粥

盤點及清理完個雪櫃後，今晚先消滅咗包上海年糕

今晚用智能煲無粥，按煲粥功能25分鐘，reheat 15分鐘，味道可以，稀咗d，有待改進，要學習調教水量

9月7日(星期日) 炒福花(我用半碗水+磚日式白汁落去炒至收汁)、甘牌燒鵝+滷水鵝翼、番茄薯仔魚湯

9月9日(星期二) 南乳粗齊、薯仔蚊雞翼、鹹鮮鴛鴦蒸魚、青紅蘿粟米湯
今晚樣樣餸都好濃味呀

9月10日(星期三) 翻熱隔夜南乳粗齋、炒飯(一人前晚餐)

9月11日(星期四) 茶餐廳風味晚餐：清炒娃娃菜、雪菜火鴨絲米粉、义燒炒公仔麵

9月12日(星期五) 馬來西亞風味晚餐：麵包雞、肉骨茶
個肉骨茶用智能煲&法包用麵包機，今晚無火煮食，快靚正又滿足的一餐

9月14日(星期日) 津白炆鱲魚(今晚煮咗半條鱲魚，餘下魚尾存倉)、芋頭鴨、冬瓜羹

9月15日時星期一) 銀蝦醬炒翠肉瓜、炒飯
3號颱風下，瓜菜檔大路貨品，如菜芯、生菜一早沽清，只可掃咗d翠玉瓜、節瓜、芥蘭存倉，過兩天d瓜菜又貴啦，昨晚每人兩碗冬瓜羹都夠飽啦，剩咗d飯，今晚炒飯+炒翠玉瓜(加咗d銀蝦醬)，簡單又一餐，是否符合Green Monday呢

9月16日(星期二) 颱風餐：榨菜木耳粉絲炒節瓜、紅棗雲耳蒸雞、蒸鱲魚
sorry呀，今晚冇開罐頭呀

9月17日(星期三) 韭菜煎蛋、蠔仔飯

9月18日(星期四) 薑汁炒芥蘭、番茄煮蛋、蝦醬蒸豬頸肉
今晚個蝦醬蒸豬頸肉我加咗豆卜已經夠惹味，本應可免番茄煮蛋，大佬返嚟食要有個汁比佢撈飯，真的是怪人一個，我個人比較簡單平淡，兩餐一宿隨便可以

9月19日(星期五) 主題日晚餐：上海粗炒、酸辣湯

9月21日(星期日) XO醬炒西蘭花、檸檬雞、豉汁蒸黃鱲倉、合掌瓜粟米紅蘿蔔湯
原本今晚想整豉油雞，但又買咗條黃鱲倉，見成隻雞，於是將魚切半蒸豉汁，咁無謂做豉油雞，改為檸檬雞，所有餸菜清碟，半條魚要爭食呀

9月22日(星期一) 蒜片生菜、蓮藕餅(外賣)、薑粒橄菜炒飯
為何有粒橄核在炒飯面呢?今次呢個品牌隨包裝內附送，贈品嚟架?多謝原粒奉送

9月23日(星期二)一人前檳城白咖哩即食麵

9月24日(星期三) 茹素晚餐：麵醬煮珍珠豆、煎腐皮卷

9月25日(星期四) 翠玉瓜炒粒粒、日式麵醬炆雞翼尖

9月26日(星期五) 自家老套西式晚餐：白汁蟹柳扁意粉、羅宋湯配法包

9月27日(星期六) 雞油生菜、翻熱拜神豬肉及雞(用洋蔥、糖、豉油快炒)、豉汁蒸倉魚 (半條存貨)

昨天09:30已到荃灣，太興要10:30才有燒肉，轉行前街角馳名店舖，呢兩條燒腩骨要220元！貴過太興呀

9月28日(星期日) 節瓜炆黑倉魚(冇拍照)、梅菜蒸肉餅、羅漢果菜乾湯

用咗斤半大白菜嚟煲湯，湯渣都有好多，原先想略煎條黑倉魚後嚟炆節瓜，點知煎好後，小姐話好耐冇食煎魚，咁就唔炆啦，原鑊油鹽水煮節瓜，呢碟都冇咩點食嗰

9月29日(星期一) 榨菜木耳粉絲炒節瓜、蒸蛋

昨天將剩下來的節瓜炒榨菜木耳粉絲+蒸蛋為 Green Monday晚餐
要留飯比小姐，用個耐熱器皿蒸好蛋後及將餸菜分別盛好用熱水坐著保溫，好讓她晚點回來都能吃到暖暖熱熱的一人前晚餐

9月30日(星期二) 清炒西蘭花、麵醬煮珍珠豆、洋蔥豬扒

心情不佳，隨便簡單晚餐