11月家常便飯

11月2日(星期日)：薑汁炒芥蘭、咖哩雞翼、蒸鯇魚
這兩天忙著辦理老五的事情，冇時間煲湯，隨便煮咗餐

11月3日(星期一)：豬潤麵，小姐要求勁多豬潤，簡單又滿足

11月5日(星期三)：XO醬炒韭菜花、蠔仔飯

秋意漸濃，暖暖一個蠔仔飯配上XO醬炒韭菜花，還有飯後甜品千層紅棗糕，滿足極了

11月6日(星期四)：炒菜芯、洋蔥豬扒、蒸鹹魚、番茄豬潤廋肉湯
昨晚大佬返嚟食，滾個湯配埋佢至愛嘅餸菜，吞兩碗飯係必然的

11月7日(星期五)：蒜片西蘭花、豉汁蒸排骨
今晚小姐有節目，是日齋期，原想煮素麵配韭菜花，但是大佬乖乖地6:30返嚟食飯，佢又冇斬料，剛好雪櫃存貨有排骨及西蘭花，正合佢胃口，真的特別星期五要煮飯

11月9日(星期日)：南乳齋、炸菜蒸肉餅、咖哩魚蛋、豉汁蒸馬友、青紅蘿蔔粟米豬骨湯
南乳齋呢，照片有年藕，我抽起咗，材料已有紹菜、荷蘭豆、支竹、雲耳、冬菇、粉絲共6樣，咖哩魚蛋料勁豐富，有魚蛋、豬皮、水魷，炸麵筋係小姐指定要煮嘅，豉汁蒸馬友，家裡班怪人，咩魚都要用豉汁嚟蒸

11月10日(星期一)：南乳齋撈麵、炒飯(雞蛋、腸仔、蟹柳)

11月12日(星期三)：魚肉紹菜卷、蝦醬豆腐

11月13日(星期四)：蕃茄薯仔魚湯、燒肉，芥蘭炒火鍋肉片、豉汁蒸黃立倉

11月17日(星期一)：清炒蒜芯、番茄蝦飯、生菜魚肉湯

11月18日(星期二)：紹菜豆卜炆龍躉腩(星期日打邊爐剩下)、蒜蓉煎雞扒、煎煮、芫茜皮蛋鯇魚尾湯
星期日打完邊爐，引致口生痱滋，今晚速滾個芫茜鯇魚尾湯清吓熱氣

11月19日(星期三)：麵醬蓮藕炒荷蘭豆、金菇肥牛卷(配日式黑椒醬汁)、蠔仔飯

蠔仔飯是我家大熱之選，金菇肥牛卷是小姐至愛，我不吃牛肉，做咗份，留半給小姐明天個lunch box，配埋炒烏冬及椰菜，美味極了

11月20日(星期四) 蘿蔔煮魚鬆、冬菇雲耳紅棗蒸雞翼、大閘蟹

lunch box@21-Nov：白汁雞扒長通粉(佢自加芝士)配椰菜花

11月24日(星期一)：麵醬蓮藕、玉子豆腐煎蛋，昨晚簡單煮兩味配合Green  Monday

11月25日(星期二)：清炒椰菜花、咖哩薯仔肉碎
今晚買咗椰菜花，清炒非常清甜，簡單配個薯仔肉碎，隨意用咖哩醬、椰漿及花奶埋芡汁，撈飯一流

11月26日(星期三)：薑汁芥蘭、蒜蓉煎豬扒、蠔仔飯、生菜魚肉湯
今晚大佬返嚟食飯，加多個蒜蓉煎豬扒配合番個食肉獸

11月27日(星期四)：蠔油四蔬(娃娃菜、粉絲、雲耳、豆卜)、豉汁鳳瓜蒸排骨、蟹肉冬瓜羹
上回啲大閘蟹大多數都係食咗d蟹蓋及蟹肉，剩下來的後遺物呢…蟹腳及蟹拑，咁梗係唔好浪費，留起用嚟拆蟹肉，放咗在今晚個冬瓜羹裡…yummy

11月30日(星期日)：鮮淮山紅蘿蔔粟米栗子湯

昨天先煲落湯，然後去咗愉景灣行吓，食到飽飽，小姐又有約，同d同學去咗食雞煲，冇煮飯，只是飲咗兩碗湯足夠了

鮮淮山紅蘿蔔粟米栗子湯

昨天先煲個鮮淮山紅蘿蔔粟米栗子湯，然後去咗愉景灣行吓，食到飽飽，小姐又有約，同d同學去咗食雞煲，冇煮飯，只是飲咗兩碗湯足夠了

材料：鮮淮山、紅蘿蔔、粟米、栗子、豬尾骨

網購-iHerb

第一次認識 iHerb是我想買爽膚水，看見 Thayers,玫瑰花金縷梅爽膚水評語很好，於是上網找尋，再觀看其網頁，了解更多其他產品

Thayers,玫瑰花金縷梅爽膚水，缺貨好一陣子，等待差不多兩個星期，而我又有需要買些皮膚護理及美容產品，所以一併選購，這是我在考慮質量、價格、可靠性和方便的購物首選…愛上了！

普通會員，每次訂單購買 $0+，可獲得額外的5%折扣。$40+，可獲得額外的10%折扣。120+，可獲得額外的12%折扣。$240+ ，可獲得額外的14%折扣

慳家的我，無謂浪費$8郵費，選擇每次訂單$40+，一擧兩得，既可追回郵費又可取得折扣優惠

第一次網購 iHerb產品，由 order至 door to door by DHL，前後共7天收到貨品…快！好！正！

iHerb推動綠色環保包裝，觀賞其裝箱都好穩當，水劑嘅另用密實袋包裝好，嗰瓶 cream本身已 wrap保鮮膜，都另用泡泡袋包裝好…讚！

送咗 memo紙及小鉛筆…thanks！

這次買咗下列的東西 

1. Chocolove-Almonds & Sea Salt in Dark Chocolate, 90g(LOV-00155) 杏仁和海鹽黑功力

*這個是暢銷產品，買給愛吃的小姐，收到貨後立即試食…她刃嘴了，吃慣大品牌比利時產品，話味道一般。我就覺得啲nuts好脆，整體混合海鹽味道，感覺特別

2. Sierra Bees-Organic Pomegranate Beeswax Lip Balm with Vitamin E, 4.25g(MBE_00308) 有機紅石榴蜂蜡潤唇膏,含維他命E

*這個是暢銷產品及網評唔錯

3. Source Naturals-Skin Etemal Cream, 56.7g(SNS-01635) 肌膚永恆霜

*special item discount $4.48 …想試吓

4. Now Foods-Solutions, Hyaluronic Acid Firming Serum, 30ml(NOW-07788) 透明質酸緊膚精華素

*用開 Bicelle嘅Hydra B5 Gel …想試吓

5. Desert Essence-Thoroughly Clean Face Wash , Original, Oily & Combination Skin, 946 ml(DES-22111) 純天然洗面奶, 適合油性及混合性肌膚

6. Avalon Organics-Vitamin C Renewal, Refreshing Cleansing Gel, 251ml(AVA-45388) 維生素C再生清爽潔面啫喱

7. Thayers-Rose Petal Witch Hazel, with Aloe Vers Formula, Alcohol-free Toner, 355ml(YHA-07003) 含蘆薈配方的玫瑰花金縷梅爽膚水,不含酒精

8. Real Techniques by Samantha Chapman-Your Finish/Perected, Blush (RTE-01407) 你的終極/完美，腮紅刷

*代購(小姐既)，這個是暢銷產品及網評唔錯，小姐用後都likes

9. E.L.F. Cosmetics-Blush Brush, 1 Brush (ELF-84011) *代購

10. E.L.F. Cosmetics-Blush, Pink Passion, 4.75g(ELF-83137)  *代購

~現在又儲緊單，準備入些 Thayers,玫瑰花金縷梅爽膚水及 Sierra Bees,有機紅石榴蜂蜡潤唇膏嚟送禮

椰汁南瓜包

今晚呢個椰汁南瓜麵包，個麵糰好濕，一出爐即被軟綿綿、香噴噴、熱烘烘、吸引著了

朱古力鬆餅

食咗成個星期自家製的麵包做早餐，昨晚個朱古力漿又有剩，今晚整咗朱古力鬆餅，但個流心朱古力漿爆哂出嚟，影響咗個賣相，要重新調校朱古力漿的比例，小姐一人獨享4個做早餐&下午茶

材料：雞蛋1隻、牛油80克、糖40克、牛奶150克、低筋麵粉80克、高筋麵100克、泡打粉4克、朱古力漿200克、朱古力粒60克

已軟化的牛油及糖用電動打蛋器打發至鬆軟，加入雞蛋、牛奶、100克朱古力漿拌勻，分3次加入已篩的粉類拌勻至混合(勿過度攪拌)

將2湯匙粉糊放進cupcake模內，加入1湯匙朱古力漿，然後再加粉漿至八成滿，將朱古力粒放面層，放入已預熱180度的焗爐焗20分鐘

蒜蓉煎豬扒

今晚大佬返嚟食飯，加多個蒜蓉煎豬扒配合番個食肉獸

11月26日(星期三)晚餐：薑汁芥蘭、蒜蓉煎豬扒、蠔仔飯、生菜魚肉湯

流心朱古力包

11月25日(星期二)出爐麵包：流心朱古力包

家傳糯米飯

昨日家庭聚會，我整咗家傳糯米飯，一下子已被清光

呢度有1kg糯米飯連同材料煮完有2大盒呀

材料：糯米1kg、紹菜1棵(切絲)、臘腸8條(切粒)、叉燒半斤(切粒)、炸魚片半條(切粒)(可用蝦代替，風味更佳，因主角海鮮敏感，故棄用之)

先將糯米洗淨，隔晚用水浸，讓其充分吸收水份後，隔去水份蒸半小時，將洗淨的臘腸放在糯米飯上，蒸5分鐘後，熄火，焗15分鐘，將臘腸取出切粒(目的是讓臘腸回軟及讓糯米飯吸取臘腸油份及香味)
用中火下油2湯匙，先爆香臘腸及炸魚片後，盛起
原鑊連爆炒臘腸後的餘油，將紹菜炒軟後加入糯米飯拌勻，下少許鹽糖調味，最後加叉燒充分炒勻即可

亞麻米肉鬆包

11月24日(星期一)出爐麵包：亞麻米肉鬆包

燜燒鍋

B媽真客氣，回敬我一個燜燒鍋，話下次用這個盛載糯米飯容量大及保溫喎

這個鍋可盛載over 1kg嘅糯米飯，多謝欣賞

港樂星夜演奏會@2014

星期五晚約咗外甥欣賞港樂星夜演奏會

主辦單位安排在戶外演出，還配合在最後演奏時的小型煙火匯演，很完美呵
是夜買咗壽司及三文治在戶外野餐，感覺多好

綠茶紅豆包

同樣安排飯後麵包出爐：綠茶紅豆包

現在晚上很忙，首先要摩打手做麵糰發包，接著煮飯及做lunch box，飯後清理廚房及安排麵包出爐，今晚拆埋蟹，篇blog要咁遲先搞好

大閘蟹

小姐喜愛嘅飯餐，四季口味不同
春天-湯粉麵飯，炎夏老是涼拌/冷麵，秋冬季節獨愛飽肚暖胃嘅有味飯

今晚原想冬菇雲耳紅棗雞翼做有味飯，唯獨是大佬，每個星期總有一天室驚無神回來食飯，今次拎 d大閘蟹返嚟加餸，咁我回敬多隻雞翼，將有味飯餸轉蒸餸，蘿蔔煮魚鬆又啱佢胃口，食完飯齊齊拆蟹

 

現在小姐要求多多，真的是全包宴，早午晚三餐全包
早餐自家製麵包/pancakes…(麵包呢佢拎3個預埋下午茶喎)，午餐 lunch box，晚餐回家食飯，她早陣子安排密密麻麻的旅遊，吃喝玩樂，遊山玩水多麼開心，錢銀花光了，現在要節衣縮食了…

佢呢又唔係好喜愛隔夜飯餸，當然這個我亦理解，如晚餐跟午餐是同樣的話是很沒趣的，所以佢個lunch box是special架

lunch box@21-Nov：白汁雞扒長通粉(佢自加芝士)配椰菜花

蕃薯&朱古力包(麵包機)

今晚繼續用麵包機玩造型麵包，還一口氣做兩款：蕃薯&包朱古力包
同樣是食完飯洗好碗筷，麵包出爐，但是今晚在廚房忙得很，預熱焗爐後，忘記調低溫度，今躺麵包偏乾

湯種：高筋粉10g及水50g拌勻後，坐熱水攪拌至稠身及見紋路放涼，待用
麵糰材料：水70g(可用牛奶/蛋液加水代替)、高筋粉170g、朱古力粉10g、砂糖12g、鹽1g、酵母2g、湯種(糖、鹽、酵母及湯種，放在四邊角落位置)、橄欖油5g(待麵糰攪打成型，約15分鐘後下)
1. 然後依次將麵糰材料放入麵包機內，按dough功能進行攪打及基本發酵(需時1:30分鐘)
2. 從麵包機取出已發酵完成的麵糰
3. 按壓一下排氣，分割麵糰，滾圓收口，用保鮮紙蓋好，讓麵糰鬆弛15分鐘
4. 麵糰造型
5. 完成造型後，放在焗盤上，進行最後發酵(約40分鐘)
    (可在焗爐內放入一碗熱水，有助加速發酵，如天氣冷，中途要更換熱水)
6. 取出焗盤，預熱焗爐200℃
7. 入爐180℃焗15分鐘，麵包出爐後，放在架上待涼即可

亞麻籽肉鬆包

近期大多數以pancakes、紅棗糯米蛋糕及街外麵包作早餐
我並沒有遺忘製作麵包，只是忙著打點老五事宜而沒有時間製作
今晚簡單用湯種做咗亞麻籽肉鬆包，吃完晚飯洗好碗筷，剛好麵包出爐，我和小姐只好凝望著熱烘烘及香噴噴的麵包，只因剛吃過晚飯，惟有明天吞掉吧

出爐嘅肉鬆包好味呀

大嶼山萬佛寺

昨天到大嶼山，順道觀看新啟建的萬佛寺

對上一次到大嶼山是剛啟建後，相隔多年，重遊舊地，感覺奐然一新
先乘坐360覽車到昂坪市集逛溜一會，然後拾級而上到大佛那邊，繼而走往大雄寶殿及新建的萬佛寺參觀，本想品嚐此處馳名的山水豆腐花，可惜當日售罄，只吃其他小點作罷
再返回昂坪市集匯合外甥們午膳，黃昏時段返回東涌，遊人多得很，不便久留，速回家

休閒一整天，晚上大佬買料打邊爐

人氣番茄飯

今晚煮咗個近日人氣嘅~番茄飯

這個營養豐富的番茄飯是家母經常煮給我們小時候吃的，還記著她用心將番茄去皮切粒，總是伴有菠菜、肉碎或鮮魚肉…回憶的味道仍在腦海中

今晚現代版~番茄芝士蝦飯(番茄原個連同飯一起煮至大滾，放入已調味的蝦，飯熟加芝士伴勻即可，小姐要求加芝士架，味道又唔錯

買咗蝦，用蝦殼做湯底煮咗生菜魚肉湯

11月17日(星期一)晚餐：清炒蒜芯、番茄蝦飯、生菜魚肉湯

11月15日(星期六)：參加完外甥女畢業禮後，到九龍城AppleGreen慶祝，整體食物OK，呢個甜品good

11月13日(星期四)晚餐：蕃茄薯仔魚湯、燒肉，芥蘭炒火鍋肉片、豉汁蒸黃立倉

魚肉紹菜卷

今天包咗雲吞做儲備，小姐好喜歡小雲吞架
好耐冇做紹菜卷，材料用急凍魚柳，蒸煮時間少，個人應為用娃娃菜比較適合，今晚呢個娃娃菜卷正呀

先將魚柳洗淨切條、瀝乾，用鹽、糖、胡椒粉、生粉水、麻油醃好
將娃娃菜輕汆水，瀝乾後，然後跟配菜(呢隻本菇喺吉豬島買，正呀)卷好，蒸5分鐘即成

還有個傻小姐，見近來我常用黑椒粉，又冇哂胡椒粉，佢買咗枝反嚟，其實我已有一大包黑椒粉代替胡椒粉，西廚大多數都係用黑糊椒粉架啦…傻豬

11月12日(星期三)晚餐：魚肉紹菜卷、蝦醬豆腐