三月份晚餐

雖然忙著煲薑醋，懶懶哋都有煮吓晚餐

3月11日(星期三) 翠玉瓜炒豬頸肉、韭菜煎蛋，包餃子剩下啲餡料，用埋嚟煎蛋

3月16日(星期一) 蒜蓉豆苗、薯仔煙肉餅、冬菇雲耳蒸雞

薯仔煙肉餅咁香口嘅嘢，我只是吃了一口，其餘小姐獨吞呀

3月18日(星期三) 上湯浸娃娃菜、煎蘿蔔餅、洋蔥豬扒、生菜魚肉湯
大佬回來吃飯，總是要點湯，生菜魚肉湯是他飛佛，我用日本柴魚粉做個湯底，快靚正必然之選

3月19日(星期四) 煎釀豆卜煮紹菜、榨菜雲耳冬菇蒸肉餅、魚肉蟹柳冬瓜羹
不知是否近來少煮飯，近來的飯餸，全部都吃光，差點要爭食，真的是少吃多滋味

3月22日(星期日) 蒜蓉炒西蘭花 、檸檬雞翼、蒸鯇魚腩、菜乾湯
嗰智能煲唔知咩問題？煲完湯冇反應，reheat唔識停，要手動關電源

3月24日(星期二) 蘿蔔煮魚鬆、美極煎豬扒、番茄薯仔紅衫魚湯

3月26日(星期四) 沙茶芥蘭炒豬頸肉、鹹酸菜炒燒肉、番茄薯仔紅衫魚湯
慳家的我，買咗紅衫魚分2餐滾湯

3月27日(星期五) 鹹豬脷粥、炒上海年糕
多個星期五冇煮晚餐，今晚大佬不回來晚飯，煮個上海年糕滿足吓

3月30日(星期一) 煎釀鮮冬菇炆紹菜、榨菜雲耳蒸肉片、鹹魚頭白菜豆腐湯

買咗舊梅頭肉，懶得做肉餅，乾脆切片配榨菜蒸 ，隔夜鹹魚頭滾個湯，大佬連湯帶渣吞兩碗