Ganmui Blog: 開心歡聚父親節@小馬家

多謝咁多位出錢出力、勞苦功高的爸爸們

今年父親節大小共20人，開心歡聚於屯門小馬家，多謝靚仔表哥全天候服侍我們，小馬家剛入伙，他來回接送及補添物資多次，還專車管接管送我們返歸港島區已深夜12:00了，辛苦哂

還有小馬爸整天大汗淋漓在廚房搞東搞西弄一枱私房美食比我哋嘆，完場後還要獨自搞清潔呀，打擾哂
佢個廚房我好鍾意呀，嗰焗爐好大架，還有地方安置啲玩具，唔水好似我咁，分散開佢哋將個焗爐及微波爐要放喺廳，還有啲麵包機、智能煲、攪拌器、豆漿機…每次要搬出嚟玩呀

小馬爸精心炮製有：涼伴海哲、椰子雪耳煲瘦肉湯、蒜芯炒鮮魷雜菌、白灼蝦及聖子、菜芯、鹽焗烏頭、非洲雞

隻豉油碟都好有心思

要稱讚吓小馬爸個非洲雞，有心思，要跟佢學嘢，預先醃好雞後釀入鮮菇菌，然後用荷葉包裹再封錫紙包好，最後蓋上塘泥(栽種用的塘泥，要把它弄碎後用水調配成糊狀)，放入焗爐焗2小時，食用時要用搥打開已焗至乾梗的塘泥，打開錫紙，荷葉鮮雞芬香撲鼻，Good
我還說光榮退讓了，next time大茶飯由佢主理了

小馬家餐中放了兒童小滑梯，小朋友玩樂了一整天，人多團團轉，好多嘢食冇影相呀

多謝大姐沙律、小馬媽外賣嘅鹽酥雞

二姐抱恙還整了冬菇炆海參、糖醋排骨、加料外賣叉燒(屯門新墟名物喎)，辛苦了

老大訂了3個蛋糕及mini cake，多謝呀
其實我哋喜歡Mango Cream Dome(圖上左)，老大話上次訂咗2磅唔夠食喎，今次咪訂3個囉，有Tiramisu & Mascarpone Cheese with Mango，有唔同口味試吓，今次連埋24件嘅mini cake好足夠啦