六月份晚餐

近來小姐多節目，6月份天氣又熱，只係煮咗12餐晚飯

6月1日(星期一) 南乳炆齋、番茄蛋、煎雞翼，是日齋期，煮個南乳齋食吓

6月2 日(星期二) 鴨脾烏冬、炒飯
上回小姐夜歸，留咗隻鴨脾比佢冇食到，今晚煮返個鳥冬比佢嘆

6月4日(星期四) 翠玉瓜炒粒粒、紅棗雲耳蒸雞、蒸石九公魚、番茄薯仔唆囉魚湯
啲石九公魚唔想冷藏咁耐，比咗2份B媽，餘下嗰啲要快速清貨

6月7日(星期日) 炒菜芯、蝦醬肉碎豆腐、洋蔥豬扒、淮山玉竹茨實石九公豬腱湯
今晚個湯好好味呀

6月8日(星期一) 麵醬煮豆角、番茄蛋、土魷蒸肉餅

6月9日(星期二) 蒜蓉白菜、酸梅鴨、生菜魚肉湯
鴨係大佬至愛，天氣咁熱，最啱用酸梅嚟炆，我斬4件比佢哋，啲酸梅汁要嚟撈飯…正

6月17日(星期三) 蒜蓉白菜、普寧豆醬炆排骨、莞茜魚片湯
休魚期+街市裝修，走出城買舊鯇魚滾湯

6月19日(星期五) 雞雜粥、豬扒炒麵、一哥瑤柱粽
今年二姐忙揍孫，冇自家粽供應，今晚煲粥、炒麵、食隻一哥瑤柱粽

6月21日(星期日) 沙茶醬炒翠玉瓜、咖哩薯仔炆雞、大口魚木瓜豬橫脷湯，個湯好好味呀

6月22日(星期一) 蒜蓉白菜、蒜片浸莧菜、土魷蒸肉餅
買咗兩紮莧菜冇人欣賞，唯我獨享，餘下嘅留待明天

6月23日(星期二) 清炒福建椰菜花、蒜片浸莧菜、酸辣雞翼
跟大廚Ricky Chung煮個酸辣雞翼，好味道

6月24日(星期三) 麵醬煮豆角、南乳煎鴨、鹹魚豆腐白菜湯
上網學吓人家嘅家鄉南乳煎鴨，我家嘅大帝，還是要多汁炆嘅至係佢杯茶

6月30日(星期二) 普寧豆醬炒通菜、煎酸辣豬扒、木瓜花生眉豆雞腳湯
很少星期二煲湯，星期日買咗木瓜，小姐有約，天氣熱，今晚要清咗木瓜
上回個酸辣雞翼好好味，今晚再戰豬扒，嗰汁太少了要煮多些