5月份家常便飯

整個5月份閒在家休養，患病康復中，注重健康，多菜少肉，午餐多1人前，晚餐一煲了搞妥。晚餐煲有味飯正是大佬嘅飛佛，佢要用個湯碗嚟食飯，晚晚總是吃光所有飯餸

自手術後3星期，個人輕輕的，午餐及晚餐亦多吃飯補充體力，回看近期照片，面容飽滿及後又有點飽滯，雖然營養攝取是很重要，但也不要讓自己吃得太胖，所以澱粉質攝取要有節制，本月後期兩餐之中多選擇其中一餐茹素調節吓

5月1日(星期日) 梅菜肉餅飯、菜芯(1人前午餐)

5月2日(星期一) 晚餐冬菇雲耳雞肉飯、生菜。個人唔想食咁多肉，加件鱸魚比自己

5月3日(星期二) 午餐梅菜肉餅,敏魚飯、菜芯

晚餐蝦醬豬頸肉豆腐飯、西蘭花。蝦醬豬頸肉不可以吃太多，只吃多點豆腐

5月4日(星期三) 午餐黯然消魂飯(叉燒煎蛋)。突然想起黯然消魂飯，做番個嘆吓

晚餐榨菜雲耳魚肉飯、西蘭花

5月5日(星期四) 晚餐榨菜牛肉飯、西蘭花、番茄薯仔肉片湯

榨菜牛肉飯係大佬嘅飛佛，我不吃牛肉，今餐有湯料伴飯

5月6日(星期五) 午餐梅菜肉餅飯、菜芯

晚餐榨菜雲耳魚肉飯

5月8日(星期日) 晚餐敏魚飯、生菜
發覺每餐幾乎都有榨菜或梅菜這些醃菜配料，為健康著想，少吃為妙

5月9日(星期一) 餃子生菜烏冬

晚餐日式火鍋肉片飯、小棠菜

5月10日(星期二) 晚餐雲耳魚肉飯、小棠菜

5月11日(星期三) 晚餐鳳瓜排骨飯、西蘭花、淮山茨實玉竹石祟魚湯

飲咗個石崇魚湯，身體好得多

5月12日(星期四) 榨菜鱸魚飯、西蘭花

晚餐冬菇雲耳雞飯、菜芯

去街市買隻雞，叫檔主斬件，兩隻雞腿唔需要斬，檔主問我雞腿要嚟邊個食呀?我話:當然係我啦，我扣起咗留待下回慢慢嘆

5月13日(星期五) 餃子小棠菜寬麵

5月14日(星期六) 午餐叉燒小棠菜伊麵

下午茶食咗2件cake，飽飽滯滯，晚餐煮少許寬麵伴點菜又一餐

晚餐娃娃菜寬麵

5月15日(星期日) 晚餐榨菜雲耳牛肉飯、節瓜肉片魚尾湯
用鯇魚尾加腐竹滾節瓜湯，味道豐富，戒吃牛肉嘅我，湯料伴飯

5月16日(星期一) 午餐酸梅排骨飯。買咗碗腐竹蛋糖水下午茶

晚餐蝦醬豬頸肉豆腐飯、菜芯

5月17日(星期二) 午餐魚肉娃娃菜寬麵

晚餐雞肉薯餅飯、淮山茨實玉竹石祟魚湯

5月18日(星期三) 午餐雞肉薯餅魚肉飯
昨晚煎咗啲薯餅比小姐lunch box，又剩2件比我，唯有今天吞埋佢

晚餐雲耳魚飯、西蘭花

5月19日(星期四) 午餐魚肉菜芯寬麵

晚餐榨菜肉餅飯、番茄薯仔肉片湯

5月20日(星期五) 午餐魚肉菜芯伊麵

晚餐排骨魚飯、菜芯

5月21日(星期六) 晚餐娃娃菜上海麵，是日農曆十五，中午party飲飽食醉，晚上茹素

5月22日(星期日) 午餐餃子娃娃菜奶油麵

晚餐冬菇雲耳雞飯、合掌瓜粟米紅蘿蔔排骨湯

今晚將雞及冬菇先煎炒後放回飯內一煲了，小姐晚上戒飯，都被吸引了，要食飯呀

5月23日(星期一) 午餐節瓜魚飯
過年時，節瓜要20多元/斤，現在已回落至6元/斤，平價又合時

晚餐忌廉磨菇長通粉

5月24日(星期二) 午餐娃娃菜長通粉

晚餐榨菜牛肉飯、番茄雜菜湯

小姐現在每星期多外出飯局吃喝玩樂，又要減肥，晚上自我升級至連烚菜都唔食，差不多隔天跑步，又玩埋瑜珈，真係好認真咁喎。我又唯有變通吓，隔天滾個瓜菜湯，佢好like呀

5月25日(星期三) 午餐菜芯日本拉麵

晚餐節瓜排骨飯

5月26日(星期四) 午餐餃子菜芯奶油麵

晚餐洋蔥雞翼飯、節瓜鱲魚湯

煲雞飯呢…將雞及材料先煎香後放回飯內一煲了，好味到不得了

5月27日(星期五) 晚餐梅菜肉餅魚飯

5月28日(星期六) 午餐娃娃菜奶油麵

晚餐三文魚意大利飯

現在我多清茶淡飯，呢款Risstto唔係我杯茶，只吃兩口，餘下比小姐lunch box，佢勁like呀，真係各有所好

5月29日(星期日) 晚餐鹹蛋肉餅飯、白果薏米茨實排骨豬肚湯
老大現在每星期都請我飲茶，今天茶後我沿太古城步行至筲箕灣，返家已5點，急趕整理晚飯及豬肚湯，材料相都冇影，個豬肚湯材料豐富，小姐連湯帶渣吞咗兩碗，我只喝點湯及排骨

5月30日(星期一) 晚餐梅菜肉餅飯、瑤柱雙菇冬瓜湯
昨夜睡不著，早上大姐來電話飲茶，應酬下佢。昨晚感覺熱氣，今晚煲冬瓜清吓熱

5月31日(星期二) 午餐娃娃菜蝦籽麵

晚餐忌廉磨菇長通粉