豬橫脷淮山茨實紅蘿蔔煲粟米湯

星期二煲咗個豬橫脷淮山茨實紅蘿蔔煲粟米湯，咁啱生果日報嘅湯水達人又係介紹呢個湯

湯水達人話呢:豬橫脷配合祛濕嘅粟米鬚、製茨實，清甜滋潤又解渴，這個夏天必定要試試喎。佢嘅食譜話係用山曬淮山(無硫磺燻過，煲湯唔會酸，更香甜)、製茨實(功效比白色的較強)及椰棗

而我一早買咗料，沒有這些食材，用普通淮山、茨實及蜜棗煲嚟比大佬飲，佢好喜愛豬橫脷湯架

材料：淮山30克、茨實30克、粟米1條、紅蘿蔔1個、蜜棗3粒、豬橫脷1條、排骨400克、果皮

先將果皮浸浸。淮山及茨實洗淨後，用清水浸1小時。紅蘿蔔去皮洗淨及切件。粟米去皮，保留粟米鬚，洗淨及切件。豬橫脷除去底部白色的肥油，清洗乾淨。將排骨及豬橫脷汆水後，洗淨備用

先將排骨及果皮煲滾，然後將其餘材料放入，大火煲半小時，轉慢火煲2小時