紫菜博物館 ~ 人蔘專賣廳 ~ 化妝品專門店 ~ 北村韓屋村 ~ 63大廈 ~ 新村梨花女子大學街
08:35 早餐，例牌又係嗰啲，醃菜係清脆甜菜圃。今天在餐廳內遇見另一團在香港開茶會嘅團友，大家互相望對，對方苦笑吓，另組團友跟他們寒喧，他們對此餐廳亦略有微言
餐後買咖啡及橙汁出發
海苔是韓國重要的水產食物，專門店特派講解員Miko(香港人)用廣東話介紹海苔是長在石頭裡的海菜，把它乾燥用來製作紫菜海苔，蛋白質很豐富
使咗錢應酬咗班要錢開飯嘅人，10:28見錢開眼嘅人咪話:過嚟呢邊做紫菜包飯DIY囉
好簡單咁包個飯卷，唔洗10分鐘玩完，跟住話上另一層免費穿傳統韓服影相喎
小朋友最開心，趕快跑上樓上，當我到達時，小可愛已經自己揀好韓服及差不多穿好了，成為最佳女主角，在古色古香的傳統韓屋式場景內歡天喜地跳舞，玩咗半個鐘，又趕往另一景點
韓國觀光局指定參觀遊覽地方，導遊話呢間係傳統啲嘅專賣店喎，成團人企晒入門位置用咗10分鐘介紹人蔘種植、培養及功效，而呢個特派香港人講解員指住掛晒啲相在門口位話:韓國官員外訪定必送贈世界聞名的高麗人蔘比邊國邊個領導，還有國家領導第一夫人同佢影個相都未得閒擺張相出嚟喎，真係吹水唔抹嘴。講解員噴完口水，係佢賺錢嘅時候啦，又係啲乜乜優惠一大堆，嗰組買嘢兵團，在行程第二天已拎啲人蔘粉照片比導遊睇，話要買呢款喎，今次嚟旅遊目的係買呢啲嘢嚟保健。試想想…你們到此店，講解員兼sales姐姐緊係hard sale佢地隻頂呱呱啦，佢地頓時變咗大戶，買到冇晒錢先停手，sales姐姐找緊機會話:唔緊要，同導遊借錢或碌卡都得架，買得多優惠越多呀。佢地逗留咗成個鐘，使晒啲錢呀。有趣地，團友買完嘢，領隊才說佢要幫人買，自己最後先買喎，佢跟個韓國註冊導遊拎住啲戰利品笑哂口咁行出嚟，我哋等到好肚餓呀
好在6分鐘車程可以去食人蔘雞，又遇著強國兵團開餐，佢哋又表演15分鐘快速午餐
韓國觀光局指定參觀遊覽地方，又有特派香港人講解員用廣東話hard sale，婀娜多姿嘅男sales不停地拉著團友，拎隻手去試咩咩嘢皇牌產品，還叫我們試完左手試右手，話新產品係CC cream，又話呢sets大明星都用嘅美容護膚品，用完一個療程呢，面上皮膚有咩問題都可以解決晒，個個變靚晒喎…hard sale咗10分鐘，店員還每個團友派個購物藍，人釘人咁跟著遊說，我們唯有出招，話要去洗手間，然後做逃兵混吉走人
韓國觀光局指定參觀遊覽地方，位於景福宮、昌德宮及宗廟之間的區域，隨同首爾600年歷史一 同流傳下來的韓國傳統居住型態建築物，韓國政府立例保育的古式屋村，完整保留著朝鮮時代上流社會居住各式樣貌的瓦房及小巷道，整條村環境清幽雅靜
朝鮮時代上流社會社區內仍然保留穿韓服的傳統
韓國觀光局指定參觀遊覽地方，首爾最高觀光大廈，大話妹拍攝場地，地下至三樓是 Galleria Duty Free免稅店，高檔消費，強制性入內參觀，同樣是洗手間最多人，跟強國混吉兵團擁擠在門口等接送回下一景點
自費包車節目，人氣頗旺的旅遊街，商舖售賣目標對象為附近梨花女子大學的學生，款色跟淘寶貨差不多。靚太買咗3個袋、1個背包，10多對襪，即場驗貨及慳番運費喎
領隊話係傳統老字號，每人自費KRW15000嘅晚餐，只有我們團友在開餐
沒有留言:
發佈留言