13斤

今早又行咗出城掃貨

心想臨近中秋，貨品林廊滿目，市場各檔主勢必霸佔營業範圍通道，水洩不通，無謂拉架買餸車出去，只係帶咗個環保袋，一路行都 remind自已要謹慎理智，轉個頭買咗13斤嘢返嚟，人都癲！

買咗：橙(20元8個)、蘋果(10元3個)、泰國金柚(20元2個)、風水梨(10元3個)、桃(10元3個)、芋仔(8元斤10粒)，還有d應節生果未買齊…楊桃、富有柿、提子……明天繼續努力掃貨

為了買生果，早點出城多選擇，回程中午，好在秋意漸濃，右膀揹左手拎，冇上次左右手拎7斤嘢咁辛苦

點解要出城買嘢？店舖多，貨品種類多，價錢平囉，還有一樣最重要嘅係值得我住嘅地方學習嘅…人情味

話說生果檔嘅太子女嘅B囡剛滿月，太子女出返嚟舖頭幫手，嗰嗰顧客互相同佢祝福問候，整檔洋溢一片喜慶歡樂，搞到佢好似賣大包咁，d蘋果、風水梨&桃喺佢度買架，出面周圍都加哂價，起碼 double呀！

回程行經超市，d生果好似要搶咁