今年大小共22人繼續在老家新春團拜
這回連同團年的大製作已早於兩星期前plan好，預計可輕輕鬆鬆及減輕工作量，由購買食材無數遍來來回回及老遠走至流浮山選購金蠔；個人又忍不住房間牆身嚴重脫落，自家翻身清理及大掃除，呢黃金兩星期…勁倦呀
年廿九(星期四) 早上購買團年祭祖用品及宅年的紹菜兩棵、年藕、慈菇、生菜及蝦。下午往上環想買鑽石牌罐裝BB鮑魚，行過見急凍BB鮑魚好低買咗packed
下午2點多大多店舖已開始清潔收市，若行到往德輔道中害怕買唔到鑽石牌，今年買咗呢款罐裝BB鮑魚試吓。我忙於煮廚冇食過，佢哋話好鹹
揹住袋鮑魚往海味街走，見到雪梨乾好靚買咗包
18元又買咗包粉絲；返歸又要往藥房買吸油紙、抹手紙及牙膏，連皂液都冇手拎待明天購買，然後晚上往吃團年飯
年卅(星期五) 9點多走出城買咗隻雞、3條魚、1斤菠菜、半斤荷蘭豆、3包百合、2包乾蔥頭、1包蒜頭、1棵蔥、2隻慈菇及4兩枝竹
只剩下少許細隻的新鮮蠔又冇其他選擇，只好揹著兩大包食材返回住所個富貴街市，呢個街市1隻新鮮蠔都冇，唯有買3桶老外貨試吓
清理完剛才嘅宅年的食材，再走躺超市買生果、椰漿、雞蛋、南乳、調味料及黃糖，呢樹行咗兩間超市又兩大袋揹回家，連同早上嗰轉來回兩躺，在大時大節街市超市貨多人多不方便拖購物車我個肩頭散晒
要清理雪櫃內的團年祭品，煮個例牌的拜神燒肉雞套餐
晚餐後才開油鑊炸粉絲及腰果，搞好清潔完，乾乾淨淨迎接大年初一
年初一(星期六) 今年因老大孫兒細少不方便長途跋涉走入東涌歡聚，大佬往東涌小馬家的大宅感受吓佢哋村民嘅新春聯歡會
只有我往老大家從旁指導B媽處理賀年齋菜，今年老大好like個齋菜呀，因舊年我在東涌沒有處理這個傳承菜，開開心心賀年大餐
年初二(星期日) 往荃灣祭祖開年，然後跟大姐午餐後返歸，拎往啲祭品往超市買隻雞及西蘭花預備明天新春團拜，這回連同祭品共拎咗2隻雞、2斤多燒腩、1碗冬菇髮菜蠔豉、5個生果及大桔、細年糕1底及剛購買嘅2棵西蘭花，重到都要龜速咁行倦到不得了，返歸速處理及清潔好睡覺
年初三(星期一) 早上購買4棵菠菜、生菜1斤、糯米粉、眉豆、新鮮蠔3斤及燒腩肉，然後處理開年祭品
煲個蘋果無花果水比小朋友；再處理花膠海參炆冬菇；中午B媽嚟到煎咗蘿蔔糕及年糕，接著大姐及二姐到又煎糕，在廚房搞搞陣一輪後，我速煲個眉豆髮菜糖水
整個焗脆皮椰汁年糕
6點才開始處理晚餐材料，剛開始就倒翻碗雞油，又忙於清潔，急call小馬爸洗菜及洗蠔，靚太處理料頭，然後換回大姐做我副手幫忙斬雞及清理廚具，啲金蠔及大蝦交比靚太在廳用個gas爐及易潔鑊處理；廚房由我做煮廚跟大姐處理當晚的大製作
團年菜譜：煎金蠔、豉油王煎大蝦、賀年齋菜、冬菇花膠炆海參、白切雞、清蒸紅鮪及果皮蒸石鰟魚、荷蘭豆炒八瓜魚鬚、冬菇支竹炆火腩及鮑魚生菜、外賣叉燒(有好多都冇拍照)
壓軸出場的焗脆皮椰汁年糕，今年多做半份份量，每家人也可帶回家品嚐
小馬爸從果欄買回來的靚水果：頂級澳洲車厘子、富有柿及日本士多啤梨，士多啤梨出場已火速吃光
今年他們不約而同地買鮑魚，多謝晒
總結：各大哥大姐食完煎金蠔及豉油王大蝦後，當第一道賀年齋菜上桌後便忙著起筷及添飯，還不等待其他餸菜便吃至肚子滿滿，甚至連預備給小朋友的叉燒也被吃光；這些餸菜跟盤菜食物也差不多，下回乾脆將食品放在大鍋內，整鍋超級豐富的盤菜吧
沒有留言:
發佈留言