團購餐-金記冰室

1月23日(星期一)假E又團購咗金記冰室嘅現金卷27日到期，近來佢多飯局都冇時間食約我在此晚餐，7點多來到要等差不多15分鐘才入坐

兩個晚餐：豉汁蒸黃鱲鯧及豬膶啫啫雞煲配節瓜湯及俄式羅宋湯、兩碗飯、熱奶茶及熱檸檬茶，整體味道唔錯，兩個人份量足夠，還可帶回半份雞及碗飯回家

條魚連隻碟差不多佔咗半張雙人卡位嘅枱，拎到來嘅時候我都O晒嘴

假E話佢上回1個人嚟食個鐵板餐，個中式湯好淡冇咩味道，今回跟我來好味得多，原本佢比晒6張卷我，叫我來嘆個餐，然後外賣兌換晒啲現金卷喎；所以今躺我倆才叫兩個餐

還剩2張現金卷，相約25日(星期三)再來回味個蒸魚晚餐，今晚有紅鮪，我先到點餐本想試吓古法蒸紅鮪，又因上回假E話我倆蒸條魚有豉汁拌飯再加個西多士為飯後租品已足夠，於是同樣order番個豉汁蒸黃鱲鯧，今回條黃鱲鯧冇咁厚肉、豉汁多咗啲及蒸過火少許冇咁滑，而西多士浸多些蛋汁及塗多些夾層醬料會更好一點