蜜味薑蔥雞

呢個蜜味薑蔥雞係家母每當過時節，為免浪費食物，將拜神雞變上菜，佢好花心思用瓦煲全程製作原煲上枱，而我呢…天氣咁熱，shortcuts用鑊快炒慳水慳力，若有靚靚嘅港女煲做這個菜都唔錯架

材料：熟雞、薑片、乾蔥4粒(切片)、蔥(切段)
調味：水半碗、蠔油、生抽各1湯匙、蜜糖1茶匙
燒1湯匙油，先爆香薑片，再放入乾蔥及蔥白炒勻爆香，將已斬件的雞整齊的排放在薑蔥上，沿鑊邊灒入紹興酒及調味料，蓋上蓋，改用慢火煮3-5分鐘把雞翻熱，最後撤下其餘蔥段快手炒勻上碟
家母做法：大火燒熱砂鍋，燒1湯匙油，先爆香薑片，再放入乾蔥及蔥白炒勻爆香，將已斬件的雞整齊的排放在薑蔥上，沿煲邊灒入紹興酒及調味料，蓋上蓋，改用慢火煮3-5分鐘把雞翻熱，放上餘下蔥段加蓋，熄火，上菜前把砂鍋再煮熱，焗約3-4分鐘