今個月小姐出埠去咗遊學團，之後又去台灣遊玩，廚房盤點清貨及我愛涼瓜大行動
8月1日(星期五)晚餐：家鄉叉燒炒麵、芫茜皮蛋湯
我用咗2個麵餅，只係食咗1碗，其餘大佬+小姐清碟呀
8月5日(星期二) 炒菜芯、洋蔥豬扒、蝦醬肉碎豆腐、番茄薯仔魚湯
今晚煮咗個蝦醬肉碎豆腐，呢隻滑豆腐好有豆味，煮餸選擇盒裝硬豆腐好點
8月7日(星期四) 榨菜木耳粉絲炒節瓜、榨菜肉絲飯
榨菜餐~今晚兩味餸菜都係…榨菜，切絲工序多多
8月11日(星期一) 炒生菜、蠔仔飯
今天好倦，成日心慌慌，冇咩心情及動力，晚餐吃兩三口嘆完，早點睡覺
8月12日(星期二) 咸酸菜炒燒肉、番茄煮蛋、節瓜滾魚湯
大佬的套餐~有湯有魚有肉又有汁撈飯，符合大佬在家吃飯的套餐
8月14日(四) 榨菜木耳粉絲炒節瓜、梅菜蒸肉餅、生菜魚肉湯
雪櫃有節瓜、生菜，買10元魚肉滾湯，15元梅頭瘦肉攪碎，慳皮又一餐
原先想將攪碎豬肉釀節瓜，順應民意，將節瓜切絲炒榨菜木耳粉絲，工序須多一些，加點瑤柱銀蝦醬拌炒，好味呀，今晚好多嘢切，榨菜、木耳、節瓜、生菜、梅菜，全部都係要切絲
8月17日(星期日) 炒菜芯、快樂雞翼、蒸蛋、蒸鹹魚、番茄魚湯
昨天嘆完茶，跨區掃完街後，返到屋企，大佬話返嚟食飯，冇準備，唯有摷雪櫃睇吓變d咩出嚟，存貨有大眼雞魚仔、番茄、菜芯、雞翼，還有雞蛋，咁就加多個蒸蛋
8月18日(星期一) 我愛涼瓜第一擊：豉汁炒涼瓜(一人前晚餐)
8月19日(星期二) 我愛涼瓜第二擊：煎釀涼瓜配米粉(一人前晚餐)
加咗半茶匙豆豉及半杯水慢火煎至收汁
8月20日(星期三)我愛涼瓜第三擊：涼瓜雞腿做湯底配米粉(一人前晚餐)
8月21日(星期四) 我愛涼瓜第四擊：涼瓜鹹酸菜炒雞肉配蝦子麵(一人前晚餐)
8月22日(星期五) 我愛涼瓜最後一擊：鯇魚腩涼瓜酸菜豆腐湯+半個米粉(一人前晚餐)
8月23日(星期六) 娃娃菜咸雞米粉(一人前晚餐)
星期六通常是各自搵食，亦是我獨自享受的時間，簡簡單單，淥棵娃娃菜+雞肉煮個米粉又一餐，呢個星期只煮咗兩餐飯，小姐佢又有好多節目，各自搵食
8月24日(星期日) 白菜炆懵仔魚扒、洋蔥豬扒、蜆肉蒸蛋、鮮淮山粟米紅蘿蔔瘦肉湯
成隻碟咁大舊嘅魚，食唔哂，留番下餐做冬瓜羹
8月25日(星期一) 蒜片韭菜芯、甜酸齋、大肚婆炒飯(勁薑蛋炒飯)
8月26日(星期二) 西蘭花炒火鍋肉片、冬瓜羹
8月27日(星期三) 炒菜芯、雲耳蒸雞肉飯
