厚多士

昨天出咗荃灣，適逢盂蘭節，勁多人又塞車+天氣熱，暈得@@

回程的士、小巴站大排長龍，選擇步行下山，途經西方寺門口，見個阿婆坐在地上，側邊有張輪椅，佢個仔想扶佢起身又做唔到，有個女人企喺度揸住把傘

於是我走過去幫忙，先把輪椅腳踏撥起比阿婆坐下，點知佢架車個腳踏鬆嘅，要用腳托住(我當時都打傘只得一隻手)，我咪叫佢個女先扶住，此刻，突然有另一個男人走出嚟大聲喝道鎖咗輪先呀！跟住佢企喺度，叉住條腰(當時我冇留意佢有冇怒啤我)，當我安頓好阿婆坐好後，亞婆佢第一時間，千多謝萬唔該我嘅幫忙，仲拍拍心口話好驚，接著亞婆佢話：推輪椅經個d 渠蓋嘅地方呢，要小心d，架車要側側地推，唔好隔硬嚟

真陰公，原來因為剔輪，佢嘅家人大力一推，亞婆佢連人帶車中咗落地
當阿婆坐番喺輪椅上，佢d家人(嗰2個男人)仲企喺度，只喺個女喊哂口，咁我咪同阿婆講：唔洗驚架亞婆，有咩唔舒服要出聲，阿婆都話得…得…得，我見亞婆佢眼角有d損咗及左邊褲面近膝頭位置有破損，叫佢個女睇吓，阿婆醒目即時拿高褲腳比我哋睇，又踢吓隻腳，我再三吩咐個女，推佢前小小嘅位置冇咁曬嘅地方(因為有小斜路)，再詳細檢查有冇其他傷勢，點知佢哋3個人冇人行動？我都係唔咁再多事

講真，我都係擔心阿婆年紀大又跌親啫，嗰2個男好似互相推卸責任咁，阿婆有咩事都唔咁講啦，我係唔係多事咗呢(厚多士)？