家鄉炒麵

小姐遊學團嘅消夜，佢自費去咗酒店附近食串燒，搞到生咗3粒飛滋喎，下午買咗綠豆糖水比佢清熱，今晚再滾咗多個芫茜皮蛋湯下火

大佬買咗d紅腸、义燒用嚟今晚炒麵，呢種方式嘅炒麵，係家母傳承架，我每次都step by step，所有配料及上碟擺設依足佢嘅做法都 ，follow足架！

8月1日(星期五) 家鄉炒麵、芫茜皮蛋湯
我用咗2個麵餅，只係食咗1碗，其餘大佬+小姐清碟呀！

家鄉炒麵
先燒開水熄火，將麵餅放入鍋內，用筷子搞散、蓋上煲蓋焗5分鐘，瀝乾備用
熱鑊下油，用大火炒麵餅，加鹽炒勻上碟 (目的係讓麵餅烘乾多餘水份及用油+鹽炒過 d麵餅係香口d及入味d 嘅)
接著炒菜伴邊，最後用小火爆炒食材(按個人喜好，我通常义燒或蝦)，加水及調味(蠔油、糖、胡椒粉)煮滾後，加蝦籽，埋薄茨，下麻油上碟即成