天皇廣告

廚房抽屜手柄爛咗，拆咗出嚟走落樓下五金鋪配翻個唔需要同樣嘅，於是問吓鋪頭個靚仔，佢第一句話：冇…冇…冇？
跟住有個阿叔走嚟望吓，攞咗把精確尺出嚟度吓個手柄鑼絲位距離，佢去咗摷貨比我
好簡單，咁我咪攞住個手柄對鑼絲位咪得囉，我相對下，目測都差2分距離，他媽的那個大老闆話：5元，要就要，唔要就吧！我見佢做咗咁多嘢，比錢算了

套用天皇廣告嘅對白：今時今日佢咁嘅服務態度，真係要改善吓
但係住所附近只有呢間五金鋪，冇得選擇

昨天去嘆茶，途經筲箕灣道有好多五金鋪都休息，回程時想去街坊超市買包芝士餅，見到間成日廣播話：全城最低全港最平…唔買就走寶嘅鋪頭，走入去想買支鑼絲批，睇睇吓…比我發現有抽屜手柄，返家安裝好，出乎意料地fit呀！

嘆完茶都好飽，冇預算煮飯，只想煲腐竹糖水+炒麵，沿路行落街市

呢個懷舊鴨腳包好味

買咗洋薏米5元(呢檔個婆仔幾好，話呢 d要嚟煲糖水，唔好煲湯，唔夾架)、腐竹12元(有點貴我家附近9元)
兩個炒麵12元(又係貴我家附近8元左右)，呢間檔仔鋪又幾得意，我全程攞麵餅及比錢都係個男人負責，收咗我錢後，個男人跟住話錢收咗，點知個女人話：咩呀！我以為你話之前嗰個？因為個女人之前秤緊嘢，做完之前嗰個客人嘅嘢，走出嚟執吓 d貨，企係我隔離，喃喃自語地話：我叫你(個男人)擺好 d年糕，亂哂大龍…其實已經好整齊，買2個麵餅全程都係之前+我＝2個，我 d麵餅都係個男人秤架，邊樹出咗問題？又要套用天皇廣告啦…